قازاقستان رەسپۋبليكاسىنىڭ رەسەيدەگٸ ەلشٸلٸگٸ مەلٸمدەمە جاساپ, رەسەيدٸڭ ۋكراينامەن شەكارالاس ايماقتارىنا بارماۋعا شاقىردى, - دەپ حابارلايدى "ۇلت اقپارات".
"رەسەيدٸڭ ۋكراينامەن شەكارالاس ايماقتارىندا قاۋٸپسٸزدٸككە تٶنەتٸن قاۋٸپ-قاتەرلەرگە بايلانىستى اتالعان ايماقتارعا بارۋدان باس تارتۋدى سۇرايمىز" - دەلٸنگەن حابارلامادا.
ديپلوماتييالىق ۆەدومستۆو رەسەي فەدەراتسيياسىندا, ەسٸرەسە ۋكراينامەن شەكارالاس ايماقتاردا جٷرگەن ەلٸمٸزدٸڭ بارلىق ازاماتتارىن مٸندەتتٸ تٷردە ەلشٸلٸك سايتىندا كونسۋلدىق ەسەپكە تۇرۋعا شاقىردى (كونسۋلدىق ەسەپكە سٸلتەمە بويىنشا ونلاين تۇرۋعا بولادى).
ەلشٸلٸك ٶكٸلدەرٸنٸڭ سٶزٸنشە, تٶتەنشە جاعدايلار تۋىنداعان جاعدايدا قازاقستان رەسپۋبليكاسىنىڭ ازاماتتارىنا بارلىق قاجەتتٸ كٶمەك پەن قولداۋ كٶرسەتٸلەدٸ.
ەلشٸلٸكتٸڭ سەنٸم تەلەفونى: +7-925-897-71-14.
ەسكە سالايىق, بۇعان دەيٸن بٸرنەشە رەسەيلٸك باق ەلدە ٸشكٸ قاقتىعىس باستالعانىن حابارلاعان بولاتىن.
