Qazaqstannyń Ońtústik Koreiadaǵy konsýldyq bóliminiń esebine tirkelýshi otandastarymyzdyń sany kúrt ósip otyr, dep habarlaidy QazAqparat.
«Ońtústik Koreiadaǵy konsýldyq esepke turyp jatqan qazaqstandyqtardyń sany kúrt ósip keledi. Óitkeni 1 naýryzdan bastap Nur-Sultan – Seýl jáne Almaty – Seýl baǵyttary boiynsha turaqty reisterdiń sany aptasyna 9-dan 3-ke deiin azaiǵan bolatyn. Sondyqtan ol jaqtaǵy otandastarymyz keleshekte shyǵa almai qalmaimyz ba dep qorqyp, ózderiniń sonda júrgenin bildirip jatyr. Biz ol jaqta qansha otandasymyz baryna, ne istep jatqanyna esep júrgizý ústindemiz», - dedi Aibek Smadiiarov tilshi suraǵyna jaýap bere otyryp.
Syrtqy ister ministrliginiń resmi ókiliniń aitýynsha, qazirgi tańda Ońtústik Koreia aýmaǵynda Qazaqstannyń 35 myńǵa tarta azamaty júr.
«Ótken aptada olardyń 800-i konsýldyq esepte tursa, búgingi kúni esepke tirkelgenderdiń sany 1500-ge jetti. 35 myń qazaqstandyqtyń shamamen 12 myńy ol jaqta zańsyz júrgender», - dedi ol.
Eske sala ketsek QR Indýstriia jáne infraqurylymdyq damý vitse-ministri Berik Kamaliev keshegi Úkimet otyrysynda 1 naýryzdan bastap Nur-Sultan – Seýl jáne Almaty – Seýl baǵyttary boiynsha turaqty reisterdiń sany aptasyna 9-dan 3-ke deiin qysqarǵanyn málim etken edi.
