Qazaqstannyń Birikken Ulttar Uiymy janyndaǵy Turaqty ókili Maǵjan Iliiasov BUU Bas hatshysy Antoniý Gýterrishke senim gramotalaryn tapsyrdy. Tapsyrý rásim Uiymnyń Niý-Iorktegi shtab-páterinde ótti, dep habarlaidy "Ult aqparat".
QR Syrtqy ister ministrliginiń aqparatyna sáikes, áńgime barysynda Bas hatshy Uiym kún tártibiniń barlyq aspektileri boiynsha Qazaqstan men BUU arasyndaǵy yntymaqtastyqtyń joǵary deńgeiin atap ótti. Ol Qazaqstannyń halyqaralyq uiymnyń airyqsha mańyzdy jáne senimdi seriktesi, ártúrli dinder men mádenietterge ózara qurmet dástúrlerimen tanymal kópjaqty diplomatiianyń senimdi jaqtaýshysy ekenin, sondai-aq turaqty mediator jáne elder arasyndaǵy kópir ekendigin basa aitty.
«Sizderdiń elińizdiń jahandyq qarýsyzdaný jáne basqa da salalardaǵy kóshbasshylyǵy erekshe mańyzdy bolyp qala beredi. Al Ortalyq Aziiadaǵy róli jáne BUU qundylyqtaryna beiildiligi jan-jaqty moiyndalýda», - dedi A. Gýterrish.
BUU Bas hatshysy sonymen qatar ózi birneshe ret Qazaqstanda bolǵanyn atap ótip, Prezident Qasym-Jomart Toqaev pen Tuńǵysh Prezident - Elbasy Nursultan Nazarbaevqa jyly tilekterin joldady.
«M. Iliiasov Qazaqstan basshylyǵy atynan izgi tilekterin jetkizip, áriptestikti odan ári nyǵaitý aiasynda BUU-daǵy jumystyń basym baǵyttary týraly habardar etti. Iadrolyq qarýdy jahandyq taratpaýdy kúsheitý, halyqaralyq terrorizmge qarsy turý mindetteri, sondai-aq Prezident Q. Toqaevtyń BUU Bas Assambleiasynyń 75-shi sessiiasynyń jalpy saiasi debattarynda aitqan bastamalary, onyń ishinde Biologiialyq qaýipsizdik jónindegi halyqaralyq agenttikti qurý jáne Damý maqsatynda volonterlerdi jumyldyrýdyń halyqaralyq jylyn jariialaý atap ótildi. Turaqty ókil sonymen birge Qazaqstannyń 2020-2021 jyldary teńizge shyǵar joly joq damýshy elder tobynda jahandyq tóraǵalyǵy sheńberinde toptyń múddelerin belsendi ilgeriletýge nietti ekendigine sendirdi.
BUU Bas hatshysyna Qazaqstannyń Tuńǵysh Prezidenti Nursultan Nazarbaev týraly Ulybritaniiada «FIRST» baspasy shyǵarǵan Britan-Qazaqstan qoǵamynyń tóraǵasy Rýpert Gýdmannyń «Ult atasy: Álem adamy. Kóshbasshylyq tarihy» kitaby tabys etildi», - delingen QR SIM aqparatynda.
