قازاقستاننىڭ بٸرٸككەن ۇلتتار ۇيىمى جانىنداعى تۇراقتى ٶكٸلٸ ماعجان ٸليياسوۆ بۇۇ باس حاتشىسى انتونيۋ گۋتەرريشكە سەنٸم گراموتالارىن تاپسىردى. تاپسىرۋ رەسٸم ۇيىمنىڭ نيۋ-يوركتەگٸ شتاب-پەتەرٸندە ٶتتٸ, دەپ حابارلايدى "ۇلت اقپارات".
قر سىرتقى ٸستەر مينيسترلٸگٸنٸڭ اقپاراتىنا سەيكەس, ەڭگٸمە بارىسىندا باس حاتشى ۇيىم كٷن تەرتٸبٸنٸڭ بارلىق اسپەكتٸلەرٸ بويىنشا قازاقستان مەن بۇۇ اراسىنداعى ىنتىماقتاستىقتىڭ جوعارى دەڭگەيٸن اتاپ ٶتتٸ. ول قازاقستاننىڭ حالىقارالىق ۇيىمنىڭ ايرىقشا ماڭىزدى جەنە سەنٸمدٸ سەرٸكتەسٸ, ەرتٷرلٸ دٸندەر مەن مەدەنيەتتەرگە ٶزارا قۇرمەت دەستٷرلەرٸمەن تانىمال كٶپجاقتى ديپلوماتييانىڭ سەنٸمدٸ جاقتاۋشىسى ەكەنٸن, سونداي-اق تۇراقتى مەدياتور جەنە ەلدەر اراسىنداعى كٶپٸر ەكەندٸگٸن باسا ايتتى.
«سٸزدەردٸڭ ەلٸڭٸزدٸڭ جاھاندىق قارۋسىزدانۋ جەنە باسقا دا سالالارداعى كٶشباسشىلىعى ەرەكشە ماڭىزدى بولىپ قالا بەرەدٸ. ال ورتالىق ازيياداعى رٶلٸ جەنە بۇۇ قۇندىلىقتارىنا بەيٸلدٸلٸگٸ جان-جاقتى مويىندالۋدا», - دەدٸ ا. گۋتەرريش.
بۇۇ باس حاتشىسى سونىمەن قاتار ٶزٸ بٸرنەشە رەت قازاقستاندا بولعانىن اتاپ ٶتٸپ, پرەزيدەنت قاسىم-جومارت توقاەۆ پەن تۇڭعىش پرەزيدەنت - ەلباسى نۇرسۇلتان نازارباەۆقا جىلى تٸلەكتەرٸن جولدادى.
«م. ٸليياسوۆ قازاقستان باسشىلىعى اتىنان ٸزگٸ تٸلەكتەرٸن جەتكٸزٸپ, ەرٸپتەستٸكتٸ ودان ەرٸ نىعايتۋ اياسىندا بۇۇ-داعى جۇمىستىڭ باسىم باعىتتارى تۋرالى حاباردار ەتتٸ. يادرولىق قارۋدى جاھاندىق تاراتپاۋدى كٷشەيتۋ, حالىقارالىق تەرروريزمگە قارسى تۇرۋ مٸندەتتەرٸ, سونداي-اق پرەزيدەنت ق. توقاەۆتىڭ بۇۇ باس اسسامبلەياسىنىڭ 75-شٸ سەسسيياسىنىڭ جالپى ساياسي دەباتتارىندا ايتقان باستامالارى, ونىڭ ٸشٸندە بيولوگييالىق قاۋٸپسٸزدٸك جٶنٸندەگٸ حالىقارالىق اگەنتتٸكتٸ قۇرۋ جەنە دامۋ ماقساتىندا ۆولونتەرلەردٸ جۇمىلدىرۋدىڭ حالىقارالىق جىلىن جارييالاۋ اتاپ ٶتٸلدٸ. تۇراقتى ٶكٸل سونىمەن بٸرگە قازاقستاننىڭ 2020-2021 جىلدارى تەڭٸزگە شىعار جولى جوق دامۋشى ەلدەر توبىندا جاھاندىق تٶراعالىعى شەڭبەرٸندە توپتىڭ مٷددەلەرٸن بەلسەندٸ ٸلگەرٸلەتۋگە نيەتتٸ ەكەندٸگٸنە سەندٸردٸ.
بۇۇ باس حاتشىسىنا قازاقستاننىڭ تۇڭعىش پرەزيدەنتٸ نۇرسۇلتان نازارباەۆ تۋرالى ۇلىبريتانييادا «FIRST» باسپاسى شىعارعان بريتان-قازاقستان قوعامىنىڭ تٶراعاسى رۋپەرت گۋدماننىڭ «ۇلت اتاسى: ەلەم ادامى. كٶشباسشىلىق تاريحى» كٸتابى تابىس ەتٸلدٸ», - دەلٸنگەن قر سٸم اقپاراتىندا.
