Maindaǵy Frankfýrt (Germaniia) jáne Djidda (Saýd Arabiiasy) qalalarynda Qazaqstannyń jańa Bas konsýldary taǵaiyndaldy, dep habarlaidy QR Syrtqy ister ministrliginiń baspasóz qyzmeti.
Qazaqstannyń Maindaǵy Frankfýrt qalasyndaǵy Bas konsýly qyzmetine Ermuhambet Bolatpekuly Qonyspaev taǵaiyndaldy.
Ol 1976 jyly 8 qazanda Almaty qalasynda týǵan. Ál-Farabi atyndaǵy Qazaq ulttyq ýniversitetiniń Halyqaralyq qatynastar fakýltetin bitirgen. Sondai-aq Ahen qalasyndaǵy Rein-Vestfal tehnikalyq ýniversitetiniń magistratýrasyn Eýropalyq zertteýler mamandyǵy boiynsha bitirdi. Qazaqstan Respýblikasy Prezidentiniń «Bolashaq» halyqaralyq bilim berý stipendiiasynyń túlegi.
Diplomatiialyq qyzmetin QR Syrtqy ister ministrliginiń júiesinde 2001 jyly Ekijaqty yntymaqtastyq departamentiniń attashesinen bastady. 2002 jyly Qazaqstannyń Germaniiadaǵy Elshiligine attashe bolyp joldandy. 2003-2007 jyldary Qazaqstannyń Aýstriiadaǵy Elshiliginde attashe, úshinshi jáne ekinshi hatshy qyzmetin atqardy.
2008 jyly QR Parlamenti Májilisiniń Halyqaralyq ister, qorǵanys jáne qaýipsizdik komitetine aǵa keńesshi retinde jumysqa aýysty.
2008-2014 jyldary Qazaqstannyń Germaniiadaǵy Elshiliginiń birinshi hatshysy jáne keńesshisi bolyp jumys istedi. 2014 jylǵy qarasha aiynda Syrtqy ister ministrliginiń Syrtqy ekonomikalyq saiasat departamenti direktorynyń orynbasary bolyp taǵaiyndaldy. 2017 jyldyń tamyz aiynan qazan aiyna deiin SIM Eýraziialyq integratsiia departamenti direktorynyń mindetin ýaqytsha atqarýshy boldy.
Qazaqstannyń Maindaǵy Frankfýrt qalasyndaǵy Bas konsýl laýazymyna taǵaiyndalǵanǵa deiin SIM Eýraziialyq integratsiia departamentiniń direktory qyzmetin atqardy. II dárejeli keńesshi diplomattyq dárejesi bar. Nemis jáne aǵylshyn tilderin biledi. Úilengen, úsh balasy bar.
Qazaqstannyń Djidda (Saýd Arabiiasy) qalasyndaǵy Bas konsýly Talǵat Rahymkululy Shaldanbai boldy.
1967 jyly 2 shildede Almaty oblysynda týǵan. Ál-Farabi atyndaǵy Qazaq ulttyq ýniversitetin Qazaq tili men ádebieti jáne arab tili oqytýshysy mamandyǵy boiynsha jáne 2000 jyly QR SIM Diplomatiialyq Akademiiasyn úzdik bitirgen.
Óziniń diplomatiialyq mansabyn 1993 jyly SIM Konsýldyq basqarmasynyń referenti qyzmetinen bastady. Odan ári osy basqarmada attashe jáne keiin úshinshi hatshy laýazymynda jumys istedi. 1996 jyly Saýd Arabiiasyndaǵy QR Elshiligine úshinshi hatshy retinde jiberildi.
2000-2002 jyldary SIM Ekijaqty yntymaqtastyq departamentinde ekinshi hatshy bolyp jumys istedi. 2002-2007 jyldary Dýbai qalasyndaǵy QR Bas konsýldyǵynda ekinshi jáne birinshi hatshy jáne BAÁ-degi QR Elshiliginiń keńesshisi qyzmetin atqardy.
2007 jyldan 2010 jylǵa deiin Aziia, Taiaý Shyǵys jáne Afrika departamentinde keńesshi jáne basqarma basshysy, sondai-aq QR SIM Konsýldyq qyzmet departamentiniń Taiaý jáne Orta Shyǵys, Afrika jáne Aziia basqarmasynyń basshysy qyzmetin atqardy. Odan ári Saýd Arabiiasyndaǵy QR Elshiligine keńesshi-konsýl retinde jumysqa jiberildi. 2012-2015 jyldary Egipettegi QR Elshiliginde keńesshi-ýákil bolyp jumys istedi.
2015 jyldan bastap 2017 jylǵa deiin SIM Jalpyaziialyq yntymaqtastyq departamentiniń IYU basqarmasyn basqardy.
Djidda qalasyndaǵy (Saýd Arabiiasy) QR Bas konsýly laýazymyna taǵaiyndalǵanǵa deiin osy qaladaǵy QR konsýldyǵynyń basshysy-konsýl qyzmetin atqardy.
I synypty keńesshi diplomatiialyq dárejesi bar. Arab jáne aǵylshyn tilderin meńgergen. Úilengen, eki balasy bar.
