Kólik politseileri QR Kóshi-qon zańnamasyn buzǵany úshin Túrkiianyń eki azamatyna aiyppul saldy. Bul týraly Kóliktegi politsiia departamentiniń baspasóz qyzmeti málim etti, dep habarlaidy QazAqparat.
«Quqyqtyq tártip» jedel aldyn alý is-sharasy barysynda Túrkistan stantsiiasyndaǵy jelilik politsiia bóliminiń qyzmetkerleri Túrkiia Respýblikasynyń 43 jáne 46 jastaǵy eki azamatynyń QR Kóshi-qon zańnamasyn buzǵanyn anyqtady», - dedi QR IIM Kóliktegi politsiia departamentiniń bastyǵy Ońal Bekeev.
Zań buzǵan Túrkiia azamattarynyń ústinen QR Ákimshilik quqyq buzý týraly kodekstiń 517-baby boiynsha shara qoldanylǵan.
«Quqyq buzýshylardyń árqaisysyna 25 AEK kóleminde jalpy somasy 153 150 teńge aiyppul salyndy», - dedi Ońal Bekeev.
