Der kezinde qabyldanǵan karantindik sharalar Qazaqstanǵa koronavirýstyń taralý qarqynyn tómendetýge múmkindik berdi. Mundai pikirdi Reseidegi DDU ókili Melita Výinovich bildirdi, dep habarlaidy QazAqparat tilshisi.
«Pandemiianyń kóptegen elderde qalai etek alyp jatqany týraly derekterdi zerttegende, Qazaqstan epidemiia bastalǵannan bastap alǵashqy tórt aptada aitarlyqtai jetistikke qol jetkizgeni belgili boldy. Óitkeni el epidemiia fazasyn úsh-tórt apta ishinde ózgerte aldy. Bul sharalar DDSU usynymdaryna tolyq sáikes keledi. Men qazaqstandyq epidemiiaǵa qarsy júieni jaqsy bilemin. Mmeniń áriptesterim óte jaqsy nátije kórsetýde. Oǵan eldiń áleýeti jetkilikti, - dedi uiym ókili.
Ol epidemiianyń jalpy damýyn jáne qabyldanǵan sharalar men usynystardyń qanshalyqty tiimdi ekenin qarastyrǵanyn, sondai-aq tolyq taldaýdy DDU-nyń eldik biýrosynan alýǵa bolatynyn atap ótti.
DDU ókili qol jetkizgen jetistikter kóbinese memlekettiń der kezinde qabyldaǵan karantindik sharalarǵa jáne azamattardyń ózin-ózi qorǵaýynyń joǵary deńgeiine bailanysty ekenin aitty.
«Men Internette ártúrli qol jetimdi táýelsiz oqshaýlaý indeksin qaraýǵa qyzyǵýshylyq tanyttym, kezdeisoq Nur-Sultandaǵy indekske kózim tústi. Onda men Nur-Sultan indeksi 4,5 baldy quraǵanyn kórdim. Bul halyqtyń saqtyq sharalaryn qatań ustanǵanyn kórsetedi», - dedi M. Výinovich.
«Salystyrmaly kórsetkishterdi búginde keńinen qol jetimdi oqshaýlaý indeksiniń monitoringimen baqylaýǵa bolady. Qazaqstanda óte qysqa merzimde, týra eki aptada, infektsiianyń taralý qaýpin azaitýǵa múmkindik týdy. Ol kezde Nur-Sultan qalasyndaǵy oqshaýlaný indeksi 4,5 ball deńgeiinde bolǵan, bul aimaqtaǵy eń joǵary kórsetkishterdiń biri boldy. Jaǵdai únemi ózgerip otyratynyn este ustaǵan jón», - dep tolyqtyrdy sarapshy.
