Qazaqstan Prezidenti – Qarýly Kúshterdiń Joǵarǵy bas qolbasshysy Qasym-Jomart Toqaev Qorǵanys ministrine Halyqaralyq áskeri yntymaqtastyqty damytýǵa, kadr saiasatyna jáne qysqy maýsymǵa daiyndyqqa qatysty tapsyrmalar berdi, - dep habarlaidy «Ult aqparat».
Soǵan orai, Qazaqstan 2021 jyly óz aýmaǵynda áskeri halyqaralyq oiyndardyń (ArMI) úsh konkýrsyn ótkizýdi josparlap otyr. Bul jaiynda Qorǵanys ministrliginiń Halyqaralyq yntymaqtastyq departamentiniń basshysy polkovnik Oljas Hýsainov.
Qazaqstan kelesi jyly Halyqaralyq armiia oiyndaryn uiymdastyrýǵa daiyn ekenin Qorǵanys ministrligi vedomstvo basshysy Nurlan Ermekbaevtyń reseilik áriptesi Sergei Shoigýmen kezdesýiniń qorytyndysy boiynsha habarlady.
"Biyl sanitarlyq-epidemiologiialyq jaǵdaiǵa bailanysty qazaqstandyq áskeriler "ArMI-2020"baiqaýyna tolyqqandy qatysa almady. Degenmen, vedomstvoda qazaqstandyq tarap Halyqaralyq Armiia oiyndaryna odan ári qatysýǵa múddeli ekenin, sondai-aq 2021 jyly olardy uiymdastyrýshy el retinde áreket etýge daiyn ekenin atap ótti", - delingen habarlamada.
2015 jyldan bastap jyl saiyn ótetin Armiia halyqaralyq oiyndary birneshe memleketterdiń aýmaǵynda ótkiziledi. 2020 jylǵy sońǵy jarystar bes memlekettiń aýmaǵynda ótti.
Jarystar "Tank biatlony", "Aviadarts", "Sývorov shabýyly" (jaiaý áskerdiń brondy mashinalarynyń jarysy), Teńiz kýbogy, "áskeri barlaý úzdikteri", "dala ashanasy" jáne t.b. barlyq áskeri salalar qatysatyn konkýrstardan turady.
"Qazaqstan birneshe jyl boiy Halyqaralyq Armiia oiyndaryna belsene qatysyp keledi. Bizde oiyndar aiasynda bólek konkýrstar ótkiziledi. 2020 jyldyń jeltoqsanynda 2021 jylǵy Oiyndardy ótkizý boiynsha kezekti josparlaý konferentsiiasy ótedi. Biyl biz pandemiiaǵa bailanysty óz aýmaǵymyzda jarystar ótkize almadyq. Kelesi jyly óz aýmaǵymyzda úsh baiqaý ótkizýdi josparlap otyrmyz", - dedi Hýsainov.
Bul birlesken oqý-jattyǵýlar, bólimshelerdiń jaýyngerlik daiyndyǵy boiynsha is-sharalar bolady.
Onyń aiyryqsha ereksheligi – eki eldiń qorǵanys vedomstvolarynyń basshylary arasynda halyqaralyq yntymaqtastyqqa jetekshilik etetin qorǵanys ministrleriniń orynbasarlary deńgeiinde konsýltatsiialar tetigi belgilengen. Ol jylyna keminde bir ret ótkiziledi.
Buǵan deiin Qazaqstan men Resei Qorǵanys ministrleri Nurlan Ermekbaev pen Sergei Shoigý eki el arasyndaǵy Áskeri yntymaqtastyq týraly jańartylǵan shartqa qol qoiǵan bolatyn.
Odan keiin 26 qazanda Túrkiianyń Qorǵanys ministri Hýlýsi Akar Qazaqstannyń Qorǵanys ministri Nurlan Ermekbaevpen kezdesý ótkizdi. Kún tártibinde áskeri jáne áskeri-tehnikalyq yntymaqtastyq, kadrlar daiarlaý, áskeri bilim berý, jaýyngerlik daiarlyq, oqý-jattyǵýlarǵa qatysý máselelerdi talqylady.
