Sýret: Konstitýtsiialyq Sot
Qazaqstannyń Konstitýtsiiasy alǵash ret Brail álipbiinde jaryq kórdi, dep habarlaidy "Ult aqparat" QR Konstitýtsiialyq Sotynyń baspasóz qyzmetine silteme jasap.
Búgin Konstitýtsiialyq Sot alǵash ret Brail shriftimen memlekettik jáne orys tilderinde basylyp shyqqan Qazaqstan Respýblikasynyń Konstitýtsiiasynyń tusaýkeserin ótkizdi.
«Qazaqstan Respýblikasy Konstitýtsiialyq Sotynyń Qazaqstannyń Ata zańynyń mátinin kórý qabileti nashar nemese zaǵip azamattar úshin Brail shriftine (bederli-núkteli taktildi shrift) aýdarý jobasyn EQYU-nyń Astanadaǵy baǵdarlamalar keńsesi jáne Mádeniet jáne aqparat ministrliginiń qoldaýymen jaryq kórdi», - delingen habarlamada.
