Qazaqstannyń halyq sany 18 711,2 myń adamǵa jetti. Mundai derekti QR Ulttyq ekonomika ministrliginiń Statistika komiteti jariialady, dep habarlaidy «Ult aqparat».
«2020 jylǵy 1 mamyrda elimizdegi halyq sany 18 711,2 myń adam boldy. Onyń ishinde qalalyqtar – 11 004,5 myń (58,8%), aýyldyqtar –7706,7 myń adam», - delingen taratylǵan aqparatta.
Komitet málimetinshe, 2019 jylǵy 1 mamyrmen salystyrǵanda halyq sany 242,4 myń adamǵa nemese 1,3 paiyzǵa ósti. Qarastyrylyp otyrǵan kezeńde eń kóp jalpy ósim elimizdiń 3 óńirinde: Almaty qalasy (63,7 myń adam), Nur-Sultan qalasy (55,5 myń adam) jáne Túrkistan oblysynda (33,1 myń adam) tirkelgen.
