Foto: pexels.com
Qazaqstannyń bas prokýrory Berik Asylov H áleýmettik jelisindegi akkaýntynda qazaqstandyqtar jol apatynan jii qaza tabatyn óńirlerdi atap, prokýrorlarǵa tapsyrma berdi, dep habarlaidy Ult.kz.
Bas prokýratýra basshysynyń málimetinshe, ótken jylmen salystyrǵanda Qazaqstandaǵy jol-kólik oqiǵalarynyń sany 90%-ǵa ósken.
"Jol-kólik oqiǵalary qurbandarynyń sany da artyp barady. BQO, ShQO, Atyraý, Mańǵystaý oblystarynda, Abai jáne Ulytaý oblystarynda, sondai-aq Shymkentte úrdis teris. Osyǵan bailanysty prokýrorlarǵa naqty sharalardy ázirlei otyryp, eń aldymen joldardyń neǵurlym avariialyq-qaýipti ýchaskelerine nazar aýdara otyryp, sebepterin memlekettik organdarmen egjei – tegjeili qaraýdy tapsyrdy", - dep jazdy Asylov.
Qazaqstanda JKO sanynyń ósýi týraly buǵan deiin ishki ister ministrligi de málimdegen bolatyn. Vedomstvo jyl saiyn Qazaqstan boiynsha JKO-da 2 myńnan astam adam qaza taýyp, 19 myńnan astam adam túrli jaraqat alatynyn habarlaǵan.
