Kórneki sýret: pixabay.com
Qazaqstanda alkogoldi tutyný ár adamǵa shaqqanda jylyna 5 litrdi qurap, bizdiń el bul kórsetkish boiynsha 180 eldiń ishinde 100-orynǵa jaiǵasty, dep habarlaidy Energyprom.kz.
Alkogoldi eń kóp tutynatyn elder qatarynda Latviia (13,2 litr), Moldova (12,9 litr) jáne Germaniia (12,8 litr) aldyńǵy oryndarda tur. Ortalyq Aziia elderi arasynda Qazaqstan alkogoldi tutyný boiynsha birinshi orynda.
Ulttyq statistika biýrosynyń málimetterine sáikes, osy jyldyń ekinshi toqsanynda árbir qazaqstandyq úi sharýashylyǵy alkogoldi sýsyndarǵa orta eseppen 5,5 myń teńge jumsaǵan, bul 2023 jyldyń sáikes kezeńimen salystyrǵanda 8,1%-ǵa kóp.
Alkogolge eń kóp qarajat jumsaǵandar – Shyǵys Qazaqstan oblysynyń turǵyndary (9,5 myń teńge), jyldyq ósim 14,8%-dy qurady. Sondai-aq Pavlodar oblysy (9,5 myń teńge, minýs 2,9%) jáne Almaty qalasy (8,9 myń teńge, pliýs 20,5%) alkogoldi eń kóp tutynatyn aimaqtardyń qatarynda. Eń az qarajat jumsaǵandar Qyzylorda (1,2 myń teńge), Aqtóbe (1,4 myń teńge) jáne Mańǵystaý (1,5 myń teńge) oblystarynyń turǵyndary boldy.
Sarapshylardyń aitýynsha, aǵymdaǵy jyldyń tamyz aiynda alkogoldi sýsyndar ailyq dinamikada 0,4%-ǵa, jyldyq dinamikada 9,3%-ǵa qymbattaǵan. Bir ai ishinde sharaptyń baǵasy 0,8%-ǵa, syranyń baǵasy 0,5%-ǵa ósken, al araq 0,2%-ǵa arzandaǵan. Jyldyq dinamikada syra 14,4%-ǵa, sharap 9,9%-ǵa, al araq 3,6%-ǵa qymbattaǵan.
Óńirlik turǵyda alkogoldiń ailyq baǵasy Astanada (2,1%-ǵa), sondai-aq Batys Qazaqstan jáne Mańǵystaý oblystarynda (árqaisysynda 1,8%-ǵa) aitarlyqtai ósken. Jambyl, Pavlodar jáne Qostanai oblystarynda baǵalar ótken aidaǵy deńgeide qalǵan. Aqtóbe, Qaraǵandy, Ulytaý jáne Almaty oblystarynda alkogol arzandaǵan. Jyldyq turǵyda eń kóp ósim Aqmola (17,4%-ǵa), Qyzylorda (16,7%-ǵa) oblystarynda jáne Shymkentte (14,6%-ǵa) tirkeldi.
Eń az ósim Pavlodar (2,2%-ǵa), Jetisý (4,7%-ǵa) jáne Almaty (5,1%-ǵa) oblystarynda boldy.
