Aldaǵy bes jylda Qazaqstanda 13 áýe ailaǵy salynady. Bul týraly QR Indýstriia jáne infraqurylymdyq damý ministri Beibit Atamqulov málimdedi, dep habarlaidy "Ult aqparat".
«Biyl biz Túrkistan qalasyndaǵy jańa jolaýshylar terminalyn iske qosýdy josparlap otyrmyz. Úrjar qalasynyń áýejaiyn qaita jańartýdy bastaimyz. Sondai-aq, Shymkent qalasynda áýejaidyń jańa terminaly qurylysy men Oral qalasy áýejaiynyń aerovokzal keshenin qaita jańartý jalǵasady», dep atap ótti ministr Úkimettiń onlain otyrysynda.
Onyń aitýynsha, qarjy bólingen jaǵdaida Óskemen jáne Úsharal áýejailarynyń ushý-qoný jolaqtaryn qaita jańartý jumystary bastalady.
«Aldaǵy bes jylda 13 áýe ailaǵyn salý josparlanyp otyr. Qazirgi ýaqytta jergilikti áýe jelilerindegi úsh ailaq - Úsharal, Úrjar, Zaisanda jumys istep tur», - dedi B. Atamqulov.
