2018 jylǵy daiarlyq josparyna sáikes, Qazaqstannyń Qarýly Kúshteriniń barlyq áskeri bólimderi men kúsh qurylymdary túrlerinde, aimaqtyq qolbasshylyqtarda jaýyngerlik ázirlik pen bólimshelerdiń qysqy oqý kezeńi boiynsha qorytyndy tekserý jumystary júrgizilip jatyr. Bul týraly "Ult aqparat" QR Qorǵanys ministrligine silteme jasai otyryp habarlaidy.
Mundaǵy negizgi maqsat - jeke quramnyń ázirligin jan-jaqty tekserý, vzvodtardyń, rotalardyń, birlesken batalondar men bólimder basqarmasynyń shynaiy áskeri ázirligin anyqtaý, oqý-jattyǵý tapsyrmalaryn baǵamdaý barysynda qysqa ǵana ýaqyttyń ishinde júktelgen mindetti oryndaý boiynsha bólimshelerdiń ázirligin bilý, jaýyngerlik daiyndyqtyń baǵdarlamasy men josparyn oryndaý.
QR Qorǵanys ministrligimen elimizdiń barlyq óńirlerine baǵyttalǵan arnaiy keshendi komissiialar quryldy. Qorytyndy baqylaý eki kezeń boiynsha júrgiziledi. 1000-ǵa jýyq áskeri bólimder men qurylymdardyń birlesken túrleri, kúshterdiń túrleri men aimaqtyq qolbasshylyqtar tekserildi. Tekseriletin tártipterdiń qatarynda atys, taktikalyq, arnaiy daiyndyq, áskeri kólikterdi júrgizý, áskeri topografiia, injenerlik, fizikalyq jáne sapqa turý daiarlyqtary bar.
Komissiialar, sonymen qatar, áskeri tehnikalar men qarýlandyrý jaiyn, ózine qarasty aýmaqta áskeri ázirlikterge basshylyq etý boiynsha laýazymdy tulǵalardyń jumysty uiymdastyra bilý júiesin, jaýyngerlik jáne jumyldyrý daiyndyǵyn tekseretin bolady. Árbir áskeri qyzmetshige jalǵyz jáne bólimshe sapynda teoriia boiynsha ǵana emes, is júzinde de emtihan tapsyrýǵa týra keledi. Oqý pánderi boiynsha qorytyndy baqylaý turaqty dislokatsiialyq bólimderdiń pýnkterinde, oqý ortalyqtary men poligondarda da júrgizile bermek.
.jpeg)