Kabýlda Aýǵanstannyń Qazaqstannan beriletin gýmanitarlyq kómekke muqtajdyǵy talqylandy, - dep habarlaidy "Ult aqparat" Syrty ister ministrligi málimetine silteme jasap.
Vedomstvo málimetinshe, Qazaqstannyń Kabýldaǵy elshisi Álimhan Esengeldievtiń Aýǵanstan ýaqytsha úkimetindegi syrtqy ister ministriniń mindetin atqarýshy Ámir Han Mýttakimen kezdesýi kezinde aýǵan halqyna azyq-túlik pen basqa da gýmanitarlyq kómek kórsetý máseleleri talqylaǵan.
Sondai-aq, Aýǵanstannyń syrtqy saiasi vedomstvasynyń basshysy Qazaqstan tarapyna ótpeli qiyn kezeńde aýǵan halqyna eleýli qoldaý kórsetýge ázirlik bildirgeni úshin alǵysyn aitty.
Onyń aitýynsha, Aýǵanstannyń jańa biligi barlyq eldermen, birinshi kezekte kórshilermen jáne óńirdegi memlekettermen beibit qarym-qatynas ornatýǵa, sondai-aq el aýmaǵynan olardyń qaýipsizdigine qandai da bir qaterdiń týyndaýyna jol bermeýge daiyn ekendigin rastaidy. Qazaqstannyń syrtqy saiasatyna, sonyń ishindegi aýǵan baǵytyndaǵy ustanymyna qurmetpen qaraityny aityldy.
