Premer-Ministr Asqar Maminniń tóraǵalyǵymen ótken Úkimet otyrysynda energetika ministri Nurlan Noǵaev 2020 jyldyń qańtar-tamyz ailarynyń qorytyndysy boiynsha otyn-energetika salasyndaǵy qazirgi jaǵdai týraly baiandady, dep habarlaidy "Ult aqparat".
2020 jylǵy qańtar-tamyz ailarynyń qorytyndysy boiynsha munai jáne kondensat óndirý kólemi 58,3 mln tonnaǵa jetti, 2020 jyldyń jospary 85,2 mln tonnany quraidy.
Munai eksporty 47,3 mln tonnany qurady, 2020 jyldyń boljamy — 67,5 mln tonna.
Esepti kezeńde gaz óndirý kólemi 37,7 mlrd tekshe metrdi qurady, 2020 jyldyń jospary — 56,5 mlrd tekshe metr.
Taýarlyq gazdy ishki tutyný kólemi 10,2 mlrd tekshe metrge jetti. 2020 jyldyń jospary — 16,5 mlrd tekshe metr.
Suiytylǵan munai gazyn óndirý kólemi 2,06 mln tonnany qurady, sonyń ishinde 8 aidyń qorytyndysy boiynsha 1,40 mln tonna ishki naryqta paidalanyldy. 2020 jyldyń jospary — 3,2 mln tonna.
Munai ónimderin óndirý 2020 jyldyń qańtar-tamyz ailarynyń qorytyndysy boiynsha 7,4 mln tonnany qurady, sonyń ishinde:
- Avtobenzin óndirý — 2,87 mln tonna.
- Dizel otynyn óndirý — 3 mln tonna.
- Aviaotyn óndirý — 277 myń tonna.
- Mazýt óndirý — 1,3 mln tonna.
2020 jylǵa arnalǵan munai ónimderin óndirý jospary — 11,6 mln tonna.
Bitým óndirisi 2020 jyldyń qańtar-tamyz ailarynyń qorytyndysy boiynsha 675 myń tonnaǵa jetti, 2020 jyldyń jospary – 983 myń tonna.
«Búgingi tańda ishki naryq ózimizde óndirilgen munai ónimderimen tolyq qamtamasyz etilgen», — dedi Noǵaev.
Munai-gaz-himiia ónimderin óndirý kólemi 262 myń tonnaǵa jetti, 2020 jyldyń jospary — 400 myń tonna.
Esepti kezeńde 69,5 mlrd kVt/saǵat elektr energiiasy óndirildi, 2020 jyldyń jospary — 105,2 mlrd kVt/saǵat.
Bul rette Noǵaev elektr energiiasyn óndirý tikelei energiia tutyný kólemine qatysty ekendigin aitty.
Esepti kezeńde iri apattyq jaǵdailar tirkelgen joq.
Ýran óndirý kólemi 13,5 myń tonna boldy, 2020 jyldyń jospary 19,3 myń tonnany quraidy.
«Negizgi kórsetkishterge qol jetkizý Energetika ministrliginiń turaqty baqylaýynda», — dep túiindedi N. Noǵaev.
