sýret ashyq derekkózden alyndy
Qazaqstan kókónis daqyldarynyń tuqymy men jemis kóshetterin shet elderden importtaýǵa májbúr. Osyǵan bailanysty Májilis depýtattary Úkimettiń nazaryn otandyq tuqym sharýashylyǵyn damytý máselesine aýdardy, dep habarlaidy Sputnik Qazaqstan.
Depýtat, agrarlyq máseleler komitetiniń tóraǵasy Serik Egizbaevtyń aitýynsha, Qazaqstan kókónis daqyldarynyń tuqymy boiynsha importqa 95%-ǵa, al jemis kóshetteri boiynsha 80%-ǵa táýeldi.
"Importtaýshy elder geografiiasy – Eýropa memlekettteri, Avstraliia, Jańa Zelandiia, Resei, Úndistan, Iran, Túrkiia, Ózbekstan, Qyrǵyzstan jáne tipti Ýkraina, ol búkil qiyndyqqa qaramastan aýyl sharýashylyǵyn barlyq baǵyt boiynsha barynsha serpindi damytyp otyr. Byltyr shet elderden barlyq aýyl sharýashylyǵy daqyly boiynsha tuqymdar 130 mln dollarǵa nemese 58 mlrd teńgege, al jemis-jidek kóshetteri 5,5 mln dollarǵa nemese 2,5 mlrd teńgege ákelindi. Basqa sózben aitqanda, shet memleketterdiń tuqym sharýashylyǵyna belsendi qoldaý kórsetip, damytyp otyrmyz", - deidi Egizbaev Májilistegi Úkimet saǵatynda.
Depýtat byltyr Prezident Úkimetke tájiribelik sharýashylyqtar negizinde alǵashqy tuqym sharýashylyǵyn damytý jóninde sharalar qabyldaýdy, sondai-aq bizneske jabdyqtardy jańartý men agroǵylymdy keshendi yntalandyrý turǵysynan kómek kórsetýdi tapsyrǵanyn eske saldy.
"Alaida Aýyl sharýashylyǵy ministrligi áli kúnge deiin tuqym óndirýge emes, ony importtaýǵa sýbsidiia berý kózdelgen buiryǵyn qaita qaraǵan da joq. Al, buǵan ne aitýǵa bolady?!", - dep ashýlandy májilismen
Depýtattar Úkimetke otandyq tuqym sharýashylyǵyn damytý máselesin qaraýdy jáne qajet sharalardy qabyldaýdy usyndy.
Sondai-aq ol agrarlyq ǵylymnyń jai-kúiine de toqtaldy.
"Osy salada sátsiz eksperimentter legi biter emes, sonyń saldarynan ǵylymi kadrlardy, jyldar boiy jinaqtalǵan ǵylymi tájiribeni joǵaltyp jatyrmyz. Otandyq agrarlyq ǵylymdy qarjylandyrý men qoldaý júiesiniń máni qalmady. Úkimetke bul jerde de ahýaldy túzetý úshin shuǵyl sharalar qabyldaý qajet", - deidi komitet tóraǵasy.
Qazaqstan tyńaitqyshtar men ósimdikterdi qorǵaý quraldary boiynsha da importqa táýeldi.
Byltyr import 38,5 mlrd teńgeni nemese jalpy tutyný kóleminiń shamamen 54%-yn qurady. Negizinen Resei (86%) men Ózbekstannan (10%) tasymaldanady.
"Bul kalii, fosfor jáne azot ken oryndarynyń jetkilikti qorlarynyń jetkilikti mólsheri bola tura oryn alyp otyrǵan jaǵdai", - dedi Egizbaev.
