Qaraǵandy jáne Pavlodar oblystarynyń shekara aýmaǵyndaǵy tabiǵi órtti sóndirý jumystary jalǵasyp jatyr, dep habarlaidy Ult.kz.
QR TJM qutqarýshylarynyń málimetinshe, qatty ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qiyndatyp otyr.
Qazirgi ýaqytta Qaraǵandy jáne Pavlodar oblystary, Astana qalasy TJD men jergilikti atqarýshy organdarynan, TJM 52859 áskeri bóliminen, "Baianaýyl" MUTP 609 adam jáne 110 tehnika, "Qazaviaqutqarý" AQ men QR Qorǵanys ministrliginen 4 áýe kemesi órtti joiý jumystaryna jumyldyryldy.
"Qaraǵandy oblysynyń Terekti aýylynda jáne Pavlodar oblysynyń Jeltaý qystaǵynda órt orny dalalyq órt sóndirý shtabtary ornalastyryldy. Órtti sóndirý jumystary jerústi jáne áýe kóligimen júrgizilip jatyr", - deidi qutqarýshylar.
Jalpy 12 jaýyngerlik ýchaske anyqtaldy. Oblystyq TJD jáne TJM Komandalyq ortalyǵynda jedel shtabtar jumys istep jatyr.
Áýe kemeleri órt oshaqtaryna 15 ret jalpy kólemi 22 tonna sý tókti.
Aqparattyq psihologiialyq qoldaý kórsetý úshin Qaraǵandy oblysynyń TJD 8 721 2 51 72 23, Pavlodar oblysynyń TJD 8 718 2 20 11 12 jedel jeli telefondary jumys isteidi.
