Halyqaralyq boks qaýymdastyǵy (AIBA) direktorlar basqarmasynyń daýys berý nátijeleri boiynsha, Qazaqstannyń eki ókilin óziniń basqarýshy organdarynyń ókili etip taǵaiyndady, dep habarlaidy "Ult aqparat" Qazaqstan boks federatsiiasynyń baspasóz qyzmetine silteme jasap.
Qazaqstan boks federatsiiasynyń menedjeri Meiram Nurtazin jarystardy ótkizý máseleleri jónindegi komissiia quramyna kirdi, al Sidnei olimpiadasynyń chempiony, Olimpiadalyq daiyndyq ortalyǵynyń direktory Ermahan Ybraimov chempiondar men ardagarler komissiiasynyń múshesi boldy.
Jańa taǵaiyndalǵan qazaqstandyqtarǵa hatty AIBA prezidenti Ýmar Kremlev joldady. Ol óz joldaýynda qazaqstandyqtardyń biligi men tájiribesi uiymdy damytýǵa qosqan eleýli úles bolatynyn aitty. Sondai-aq ol uiymnyń jańa múshelerimen erterek tanysyp, jumysty bastaýdy kútip otyrǵanyn aitqan.
Qazaqstandyqtardyń jańa qyzmetke taǵaiyndalýyna orai Aziialyq boks konfederatsiiasy da quttyqtaý joldady.
Bul 2018-2019 jylǵy úzilisterden keiin AIBA-nyń basqarýshy organdaryna taǵaiyndalyp otyran alǵashqy qazaqstandyqtar. 2014-2017 jyldar aralyǵynda atalǵan uiymda Qazaqstannyń 6 azamaty jumys istegen. 2019 jyly uiymda júrgizilgen reformalardan keiin komissiialardyń barlyǵy taratylyp, qazir qaita jasaqtalyp jatyr.
