Foto: ashyq derekkóz
Almatyda taǵy bir iri kólemdegi jemqorlyq isi tergelip jatyr. Qarjy monitoringi agenttiginiń Almaty qalasy boiynsha departamenti "Eńbek resýrstaryn damytý ortalyǵy" men "Birinshi kredittik biýro" basshylaryna qatysty sotqa deiingi tergeý bastady, dep habarlaidy Ult.kz.
Tergeý boljamynsha, Kredittik biýro basshylyǵy óz múddelerin ótkizý úshin ortalyq basshylyǵyna júieli túrde zańsyz syiaqylar bergen.
2025 jylǵy 28 maýsymda jedel-izdestirý is-sharalary barysynda 75 myń daollar kólemindegi para berýge qatysty fakti boiynsha kelesi tulǵalar ustaldy:
- - R. Omarov – «Birinshi kredittik biýro» JShS-niń bas direktory,
- - A. Sarbasov – «Eńbek resýrstaryn damytý ortalyǵy» AQ-nyń basshysy, buǵan deiin Eńbek jáne halyqty áleýmettik qorǵaý ministrliginiń birinshi vitse-ministri qyzmetin atqarǵan;
- - D. Arǵandykov – «Eńbek resýrstaryn damytý ortalyǵy» AQ-nyń burynǵy basshysy, buryn Densaýlyq saqtaý jáne áleýmettik damý vitse-ministri qyzmetin atqarǵan.
Tintý kezinde 370 000 AQSh dollary men 4,5 mln teńge tárkilendi.
30 maýsymda sot sheshimimen atalǵan úsh adamǵa qatysty 2 ai merzimge qamaýǵa alý bultartpaý sharasy qoldanyldy.
Tergeý jalǵasýda.
