Qazaqstannyń Eýraziialyq ekonomikalyq odaq elderimen ózara saýdasy osy jyldyń 8 aiynda 12,2 paiyzǵa tómendedi, dep habarlaidy "Ult aqparat".
QR Ulttyq ekonomika ministrliginiń Statistika komiteti taratqan aqparatqa sáikes, 2020 jylǵy qańtar-tamyzdaǵy Qazaqstan Respýblikasynyń EAEO elderimen ózara saýdasy 12 027,4 mln AQSh dollaryn qurap, 2019 jylǵy qańtar-tamyzben salystyrǵanda 12,2 paiyzǵa azaidy. Onyń ishinde eksport – 3 348 mln AQSh dollary (18,6 paiyzǵa azaidy), import – 8 679,4 mln AQSh dollary (9,5 paiyzǵa azaidy) boldy.
Qazaqstan Respýblikasynyń EAEO elderimen syrtqy saýda ainalymy jalpy kóleminde Resei Federatsiiasyna – 92,4, Qyrǵyzstan Respýblikasyna – 4,0, Belarýs Respýblikasyna – 3,5, Armeniia Respýblikasyna 0,1 paiyzdan keledi«, - dep atap ótedi komitetten.
