"Qazgidromet" málimetinshe, 20-22 sáýir aralyǵynda elimizdiń keibir óńirinde aitarlyqtai sýyq bolady. Jaýyn-shashyn, tuman, aiaz jáne qatty jel soǵady, - dep habarlaidy "Ult aqparat".
«Jaýyn-shashynnyń qarǵa ulasýyna jáne eldiń soltústik jartysynda aýa temperatýrasynyń tómendeýine sebep bolǵan Skandinaviia túbeginiń aýdandarynan kelgen sýyq antitsiklon Qazaqstan arqyly jyljýyn jalǵastyrady. Endi ońtústik óńirlerde jańbyr men qar aralas jaýyn-shashyn, sondai-aq kei jerlerde 3 gradýsqa deiin aiaz bolady», delingen Qazgidromet habarlamasynda.
Túrkistan oblysynda 20 jáne 21 sáýirde aýa raiynyń buzylýyna bailanysty eskertý jariialandy. Bul kúnderi munda jańbyr, kei jerlerde qar jaýady, tuman, naizaǵai, burshaq bolady, jeldiń ekpini sekýndyna 23-28 metrge deiin jetedi. Túnde aýa temperatýrasy 3 gradýsqa deiin tómendeidi.
Jambyl oblysynyń turǵyndaryn da osyndai jaǵdai kútip tur. Sinoptikter jańbyr, kei jerlerde qar jaýady, tuman túsedi, naizaǵai, burshaq jaýady, ekpini sekýndyna 23-28 metrge deiin daýyl soǵyp, kóktaiǵaq bolady dep boljap otyr. Kúndiz aýa temperatýrasy + 7 ... +12 gradýs bolady, túnde -3 gradýsqa deiin kúrt sýytady.
Almaty oblysynda da aýa raiyna bailanysty eskertý jariialandy. 21 sáýirde jańbyr jaýady, kei jerde qar jaýady. Jeldiń ekpini sekýndyna 23-28 metrge jetedi. Oblys boiynsha kei jerde burshaq, naizaǵai jáne kóktaiǵaq kútiledi. Kúndiz aýa temperatýrasy +7... +12 gradýs bolsa, túnde -3 gradýsqa deiin aiaz keledi.
