"قازگيدرومەت" مەلٸمەتٸنشە, 20-22 سەۋٸر ارالىعىندا ەلٸمٸزدٸڭ كەيبٸر ٶڭٸرٸندە ايتارلىقتاي سۋىق بولادى. جاۋىن-شاشىن, تۇمان, اياز جەنە قاتتى جەل سوعادى, - دەپ حابارلايدى "ۇلت اقپارات".
«جاۋىن-شاشىننىڭ قارعا ۇلاسۋىنا جەنە ەلدٸڭ سولتٷستٸك جارتىسىندا اۋا تەمپەراتۋراسىنىڭ تٶمەندەۋٸنە سەبەپ بولعان سكانديناۆييا تٷبەگٸنٸڭ اۋداندارىنان كەلگەن سۋىق انتيتسيكلون قازاقستان ارقىلى جىلجۋىن جالعاستىرادى. ەندٸ وڭتٷستٸك ٶڭٸرلەردە جاڭبىر مەن قار ارالاس جاۋىن-شاشىن, سونداي-اق كەي جەرلەردە 3 گرادۋسقا دەيٸن اياز بولادى», دەلٸنگەن قازگيدرومەت حابارلاماسىندا.
تٷركٸستان وبلىسىندا 20 جەنە 21 سەۋٸردە اۋا رايىنىڭ بۇزىلۋىنا بايلانىستى ەسكەرتۋ جارييالاندى. بۇل كٷندەرٸ مۇندا جاڭبىر, كەي جەرلەردە قار جاۋادى, تۇمان, نايزاعاي, بۇرشاق بولادى, جەلدٸڭ ەكپٸنٸ سەكۋندىنا 23-28 مەترگە دەيٸن جەتەدٸ. تٷندە اۋا تەمپەراتۋراسى 3 گرادۋسقا دەيٸن تٶمەندەيدٸ.
جامبىل وبلىسىنىڭ تۇرعىندارىن دا وسىنداي جاعداي كٷتٸپ تۇر. سينوپتيكتەر جاڭبىر, كەي جەرلەردە قار جاۋادى, تۇمان تٷسەدٸ, نايزاعاي, بۇرشاق جاۋادى, ەكپٸنٸ سەكۋندىنا 23-28 مەترگە دەيٸن داۋىل سوعىپ, كٶكتايعاق بولادى دەپ بولجاپ وتىر. كٷندٸز اۋا تەمپەراتۋراسى + 7 ... +12 گرادۋس بولادى, تٷندە -3 گرادۋسقا دەيٸن كٷرت سۋىتادى.
الماتى وبلىسىندا دا اۋا رايىنا بايلانىستى ەسكەرتۋ جارييالاندى. 21 سەۋٸردە جاڭبىر جاۋادى, كەي جەردە قار جاۋادى. جەلدٸڭ ەكپٸنٸ سەكۋندىنا 23-28 مەترگە جەتەدٸ. وبلىس بويىنشا كەي جەردە بۇرشاق, نايزاعاي جەنە كٶكتايعاق كٷتٸلەدٸ. كٷندٸز اۋا تەمپەراتۋراسى +7... +12 گرادۋس بولسا, تٷندە -3 گرادۋسقا دەيٸن اياز كەلەدٸ.
