Qazaqstannyń birneshe oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-nyń málimetterine silteme jasap.
Kásiporyn tartqan málimetterge qaraǵanda, 20 tamyz kúni Nur-Sultanda ońtústik-batystan, batystan jel soǵyp, kúndiz ekpini sekýndyna 15-20 metrge jetedi.
Aqmola oblysynyń kei jerlerinde naizaǵai oinap, daýyl soǵyp, burshaq jaýýy múmkin. Ońtústik-batystan, batystan soqqan jeldiń kúshi kei jerlerde sekýndyna 15-20 metrge jetip, kúndiz ekpini 23 metr bolady.
Kókshetaýda ońtústik-batystan, batystan jel soǵady, kúndiz ekpini 15-20 m/s-qa jetedi.
Qaraǵandy oblysynyń kei jerlerinde naizaǵai oinap, daýyl turyp, burshaq jaýýy yqtimal. Ońtústik-batystan, batystan soǵatyn jeldiń kúshi kei jerlerde sekýndyna 15-20 metr, kúndiz ekpini 23-28 metr bolady. Oblystyń ońtústik-batysynda órt qaýpi saqtalady.
Qaraǵandyda ońtústik-batystan, batystan soǵatyn jeldiń ekpini 15-20 m/s bolady.
Jezqazǵanda ońtústik-batystan, batystan soǵatyn jeldiń ekpini kúndiz 15-20 m/s-qa deiin jetedi.
Soltústik Qazaqstan oblysynyń basym bóliginde jańbyr jaýady. Oblystyń kei jerlerinde naizaǵai oinap, tuman túsip, daýyl turady, burshaq jaýady. Ońtústik-batystan jel soǵyp, jyldamdyǵy túnde kei jerlerde 15-20 m/s, kúndiz 15-20, ekpini 25 m/s-qa jetedi.
Petropavlda naizaǵai oinap, ońtústik-batystan jel soǵady, ekpini 15-20 m/s bolady.
20 tamyzda kúndiz Qyzylorda oblysynda soltústikten, soltústik-batystan jel soǵyp, kúshi kei jerlerde sekýndyna 15-20 metrge deiin barady. Kúndiz óte joǵary órt qaýpi saqtalady.
Qostanai oblysynyń kei jerlerinde naizaǵai oinap, daýyl turyp, burshaq jaýady. Batystan soqqan jeldiń kúshi kei jerlerde 15-20 m/s-qa deiin jetedi.
Qostanaida batystan jel soǵyp, ekpini 15-20 m/s bolady.
