Qazaqstannyń birqatar óńirinde aýa raiyna bailanysty eskertý jariialandy, dep habarlaidy "Ult aqparat".
«Qazgidromet» RMK málimetterine qaraǵanda, 17 sáýirde Aqmola oblysynda ońtústikten jel soǵyp, kei jerlerde onyń kúshi 15-20 m/s-qa jetedi.
Kókshetaýda ońtústikten jel soǵyp, tańerteń jáne kúndiz jeldiń ekpini sekýndyna 15-20 metrge jetedi. Aýa raiy boljamynyń yqtimaldylyǵy 85-90 %.
Aqtóbe oblysynda 17 sáýirde ońtústik-batystan jel soǵyp, ekpini 15-20 m/s bolady. Al Aqtobe qalasynda osy kúni kúndiz ońtústik-batystan jel soǵyp, ekpini sekýndyna 15-20 metrge jetedi. Aýa raiy boljamynyń yqtimaldylyǵy 90-95%.
Qostanai oblysynyń kei jerlerinde naizaǵai oinap, ońtústikten soqqan jeldiń kúshi kei jerlerde sekýndyna 15-20 metrge jetedi. Al Qostanai qalasynda ońtústikten jel soǵyp, ekpini 15-20 m/s bolady. Aýa raiy boljamynyń yqtimaldylyǵy 90-95%.
Atyraý oblysynda17 sáýir kúni kúndiz kei jerlerde shańdy daýyl kóterilip, batys,ońtústik-batystan soǵatyn jeldiń ekpini sekýndyna 17-22 metr bolady. Al Atyraý qalasynda kúndiz batys, ońtústik-batystan soǵatyn jeldiń ekpini 15-20 m/s-qa jetedi degen bodjam bar. Aýa raiy boljamynyń yqtimaldylyǵy 85-90%.
