Jalǵyz jáne juptyq razriadtardaǵy Áielder tennis qaýymdastyǵy (WTA) reitinginiń jańarǵan nusqasy shyqty, dep habarlaidy QazAqparat Sports.kz saityna silteme jasap.
Úzdikter úshtigi burynǵy quramda qaldy: aýstraliialyq Eshli Barti kósh bastap tur, odan keiingi orynǵa belarýstyq Arina Sobolenko jaiǵasqan, al úshinshi orynda – cheh sportshysy Karolina Plinkova.
Qazaqstannyń birinshi raketkasy 17-shi orynnan 16-shy orynǵa kóterilip, jeke rekordyn jańartty. Iýliia Pýtintseva bes saty joǵarylap, 49-shy orynǵa shyqty, al Zarina Diias jeti saty tómendep, 112-shi orynǵa yǵysty.
Juptyq razriadtyń kóshbasshysy – belgiialyq Elize Mertens, odan keiingi oryndarda – Chehiia ókilderi Barbora Kreichikova men Katerina Siniakova.
Anna Danilina 88-shi orynnan 86-shy orynǵa kóterildi, al Rybakina bir saty tómendep, 96-shy orynǵa tústi, al Diias – 181-shi orynda.
