Qazaqstannyń bilim berý platformalary sanalatyn kundelik.kz pen bilimland.kz baǵdarlamalaryna maqsatty túrde DDoS-shabýyldar jasaldy.
Bul shabýyldardy Qazaqstan Respýblikasy Ulttyq qaýipsizdik komitetiniń «Memlekettik tehnikalyq qyzmet» RMK KZ-CERT kompiýterlik oqiǵalarǵa jaýap berý qyzmeti tirkedi, dep habarlaidy QazAqparat tilshisi «MTQ» RMK baspasóz qyzmetine silteme jasap.
Taldaý jumystary barysynda DDoS-shabýyldar kóptegen IP-adrester arqyly kóbinese sheteldik internet segmentter tarapynan jasalǵany anyqtalyp otyr.
Qazirgi ýaqytta «MTQ» RMK tarapynda ornalasqan apparattyq-baǵdarlamalyq keshenderdiń kómegimen DDoS-shabýyldar toqtatyldy.
Vedomstvonyń habarlaýynsha, tirkelgen shabýyldar bilim berý internet-resýrstarynyń qyzmetiniń toqtata almaǵan.
«Kundelik.kz internet-resýrsyna shabýyl jasalǵannan keiin 8 minýt ótken soń bilimland.kz bilim berý portalyna da shabýyl jasaldy. KZ-CERT qyzmetiniń sarapshylary shabýyldardyń bir-birimen bailanysty jáne bul shabýyldardyń qashyqtan oqytý barysynda joǵaryda atalǵan bilim berý portaldarynyń jumysyn buzýǵa baǵyttalǵan degen sheshimge keldi», - dep habarlaidy KZ-CERT qyzmeti.
Aita ketsek, buǵan deiin Bilim Media Group óziniń internet-resýrsyna baǵyttalǵan DDoS-shabýyldardyń kóbeigenin habarlaǵan bolatyn.
