قازاقستاننىڭ بٸلٸم بەرۋ پلاتفورمالارى سانالاتىن kundelik.kz پەن bilimland.kz باعدارلامالارىنا ماقساتتى تٷردە DDoS-شابۋىلدار جاسالدى.
بۇل شابۋىلداردى قازاقستان رەسپۋبليكاسى ۇلتتىق قاۋٸپسٸزدٸك كوميتەتٸنٸڭ «مەملەكەتتٸك تەحنيكالىق قىزمەت» رمك KZ-CERT كومپيۋتەرلٸك وقيعالارعا جاۋاپ بەرۋ قىزمەتٸ تٸركەدٸ, دەپ حابارلايدى قازاقپارات تٸلشٸسٸ «متق» رمك باسپاسٶز قىزمەتٸنە سٸلتەمە جاساپ.
تالداۋ جۇمىستارى بارىسىندا DDoS-شابۋىلدار كٶپتەگەن IP-ادرەستەر ارقىلى كٶبٸنەسە شەتەلدٸك ينتەرنەت سەگمەنتتەر تاراپىنان جاسالعانى انىقتالىپ وتىر.
قازٸرگٸ ۋاقىتتا «متق» رمك تاراپىندا ورنالاسقان اپپاراتتىق-باعدارلامالىق كەشەندەردٸڭ كٶمەگٸمەن DDoS-شابۋىلدار توقتاتىلدى.
ۆەدومستۆونىڭ حابارلاۋىنشا, تٸركەلگەن شابۋىلدار بٸلٸم بەرۋ ينتەرنەت-رەسۋرستارىنىڭ قىزمەتٸنٸڭ توقتاتا الماعان.
«كundelik.kz ينتەرنەت-رەسۋرسىنا شابۋىل جاسالعاننان كەيٸن 8 مينۋت ٶتكەن سوڭ bilimland.kz بٸلٸم بەرۋ پورتالىنا دا شابۋىل جاسالدى. KZ-CERT قىزمەتٸنٸڭ ساراپشىلارى شابۋىلداردىڭ بٸر-بٸرٸمەن بايلانىستى جەنە بۇل شابۋىلداردىڭ قاشىقتان وقىتۋ بارىسىندا جوعارىدا اتالعان بٸلٸم بەرۋ پورتالدارىنىڭ جۇمىسىن بۇزۋعا باعىتتالعان دەگەن شەشٸمگە كەلدٸ», - دەپ حابارلايدى KZ-CERT قىزمەتٸ.
ايتا كەتسەك, بۇعان دەيٸن Bilim Media Group ٶزٸنٸڭ ينتەرنەت-رەسۋرسىنا باعىتتالعان DDoS-شابۋىلداردىڭ كٶبەيگەنٸن حابارلاعان بولاتىن.
