Aqtóbe kolledjiniń 16-22 jas aralyǵyndaǵy eki júz stýdenti pyshaq, kastetpen qarýlanyp, tóbeleske daiyndalǵan.
Politsiia men qoǵamdyq uiymnyń úilesimdi jumysynyń arqasynda tragediiamen aiaqtalýy múmkin janjalǵa jol berilmedi.
"Aqtóbe Taims" óńirlik gazeti qyzyl sheke tóbeles ótken aptada qala ortalyǵynda josparlanǵanyn jazdy, dep habarlaidy Sputnik.
"Búrkit" qoǵamdyq birlestiginiń jetekshisi Serik Saǵievtiń aitýynsha, "razborka" jergilikti jigitterdiń biri soqqyǵa jyǵylǵannan keiin bastalǵan. "Búrkittikter" zábir kórgen taraptyń kek alýǵa daiyndalyp jatqanyn bilip qalyp, politsiia shaqyrǵan.
Tóbeleske 16-dan 22 jasqa deiingi eki júzge jýyq stýdent keldi. Saǵievtiń aitýynsha, politsiia qyzmetkerleri stýdentterdiń avtokólikterinen birneshe pyshaq, bita, shynjyr jáne kastet tapqan. Bólimshege 13 adam jetkizildi, dep tolyqtyrdy ol.
Quqyq qorǵaý organdarynyń qyzmetkerleri jastardy qysqa ýaqytta tatýlastyryp úlgerdi: kelesi kúni bir top jigit saýda ortalyǵynyń janynda jinaldy. Olar "búrkitshilerdi" kórip, máseleniń sheshilgenin aityp, úilerine tarady.
