Qazaqstannyń Densaýlyq saqtaý ministrligi janyndaǵy Sanitarlyq-epidemiologiialyq baqylaý komitetiniń saitynda elimizdiń bas sanitar dárigeri Erlan Qiiasovtyń jańa qaýlysy jariialandy, - dep habarlaidy "Ult aqparat".
Qaýly karantin sharalary jáne olardy kezeń-kezeńmen jeńildetý týraly.
Eldiń bas dárigeri mynalardy qaýly etti:
1. "Qazaqstan temir joly" ulttyq kompaniiasy" aktsionerlik qoǵamy: jumys poezdaryn qospaǵanda, jolaýshylar poezdarynyń quramynda ortaq vagondardy jasaqtaýdy boldyrmasyn.
2. Oblystardyń, Almaty, Nur-Sultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaiy organdar:
- jolaýshylar aǵynyn tómendetý jáne halyqtyń kóp jinalýyn boldyrmaý maqsatynda "qarbalas saǵattarda" qoǵamdyq kólik sanyn ulǵaitýdy;
- ulttyq qurama, klýb komandalary úshin sporttyq jattyǵýlarǵa ruqsat berýdi (30 adamnan artyq emes, bailanyssyz termometriia, sporttyq bazalarda turý);
- qoǵamdyq kólikke, taksige, áýejailarǵa, balalardyń aýla alańdaryna, azyq-túlik jáne azyq-túlik emes bazarlarǵa jáne basqa da qoǵamdyq oryndarǵa sanitariialyq jáne dezinfektsiialyq óńdeý júrgizýdi;
- Qazaqstan Respýblikasy Ulttyq Bankiniń jáne Qazaqstan Respýblikasy Qarjy naryǵyn retteý jáne damytý agenttiginiń aktisine sáikes ýaqyty men sany boiynsha shekteý arqyly qarjy naryǵy sýbektileriniń qyzmetine ruqsat berýdi;
- óńirlerdegi epidemiologiialyq jaǵdaidy eskere otyryp, "Baldáýren" respýblikalyq oqý-saýyqtyrý ortalyǵy" jáne "Bóbek" ulttyq ǵylymi-praktikalyq bilim berý jáne saýyqtyrý ortalyǵy" RMQK qyzmetine ruqsat berýdi;
- sportshylar men jattyqtyrýshylar quramy COVID-19-ǵa qarsy vaktsinatsiialaýdyń tolyq kýrsyn alǵany týraly qujattamalyq rastaý usynǵan jaǵdaida oblystyq komandalardy daiyndaý úshin oqý-jattyǵý jiyndaryn qaita bastaýǵa ruqsat berýdi;
- osy qaýlyǵa 4-qosymshaǵa sáikes ólshemsharttar negizinde áleýmettik-ekonomikalyq obektilerdiń qyzmetin shekteýdi qamtamasyz etsin.
Bul rette shekteý sharalaryn qatańdatý 5 kún boiy epidemiologiialyq jaǵdai kúrdelengen jaǵdaida ("jasyl" aimaqtan "sary" aimaqqa nemese "sary" aimaqtan "qyzyl" aimaqqa kóshý), karantin sharalardy jeńildetý "qyzyl" aimaqtan "sary" aimaqqa nemese "sary" aimaqtan "jasyl" aimaqqa kóshkennen keiin 7 kúnnen keiin júrgiziledi.
3. Oblystardyń, Almaty, Nur-Sultan, Shymkent qalalarynyń ákimderi, oblystardyń, Almaty, Nur-Sultan, Shymkent qalalarynyń sanitariialyq-epidemiologiialyq baqylaý departamentteri, oblystardyń, Almaty, Nur-Sultan, Shymkent qalalarynyń politsiia departamentteri:
- qyzmetine ruqsat etilgen obektilerde karantindik sharalardyń, sanitariialyq-dezinfektsiialyq rejimniń saqtalýyn baqylaýdy qamtamasyz etsin. Buzýshylyqtar anyqtalǵan jaǵdaida "Ákimshilik quqyq buzýshylyq týraly" 2014 jylǵy 5 shildedegi Qazaqstan Respýblikasynyń Kodeksine sáikes ákimshilik sharalar qoldansyn;
- osy qaýlyǵa 1 jáne 2-qosymshalarǵa sáikes qyzmeti shektelmegen obektilerdi qosa alǵanda, obektilerdiń qyzmetin qaita bastaýdy qamtamasyz etsin.
4. Oblystardyń, Almaty, Nur-Sultan, Shymkent qalalarynyń, kóliktegi Bas memlekettik sanitariialyq dárigerler, Qazaqstan Respýblikasy Qorǵanys ministrliginiń, ulttyq qaýipsizdik jáne ishki ister organdarynyń, Qazaqstan Respýblikasy Prezidenti Is Basqarmasynyń vedomstvolarynyń halyqtyń sanitariialyq-epidemiologiialyq salamattylyǵy salasyndaǵy qyzmetti júzege asyratyn qurylymdyq bólimsheleriniń basshylary qalyptasqan epidemiologiialyq jaǵdaiǵa bailanysty táýekeli joǵary aimaqta (qyzyl aimaq) ornalasqan karantindik sharalardy qatańdatý týraly sheshim qabyldaýǵa quqyly.
Oblystardyń, Nur-Sultan, Almaty, Shymkent qalalarynyń bas memlekettik sanitariialyq dárigerleri "jasyl" jáne "sary" aimaqtarda ornalasqan óńirlerde karantin sharalardy qatańdatý týraly sheshim qabyldaý quqyǵynsyz osy qaýlyny basshylyqqa alady.
Sondai-aq, "Qazaqstan Respýblikasynyń halqy arasynda koronavirýstyq infektsiia aýrýlarynyń aldyn alý jónindegi sharalardy odan ári kúsheitý týraly" Qazaqstan Respýblikasynyń bas memlekettik sanitariia dárigeriniń 2021 jylǵy 2 qyrkúiektegi № 38 qaýlysyna ózgerister engizilgen.
Qaýly 2021 jylǵy 13 qyrkúiekte túngi saǵat on ekiden bastap kúshine enedi. Qaýlynyń tolyq mátinin myna siltemeden oqi alasyz.
