Qazaqstannyń barlyq azamaty volonter bola alady. Bul týraly volonterlerdiń «BIRGEMIZ» respýblikalyq front-keńsesin resmi iske qosý sharasynda QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Halyqaralyq zertteýge sáikes, Qazaqstan áli kúnge deiin volonterlik qyzmet deńgeii tómen elder tobynda tur. Volonterlik mádeniet, dástúr, yntalandyrý jetkilikti damymaǵan. Esepke alý jáne yntalandyrý júiesi de damymai otyr. Mine osynyń barlyǵyn biz osy jyly sheship, volonterlikti jańa deńgeige kóterýmiz qajet», - dedi ministr.
Onyń atap ótýinshe, dál osy problemalardy sheshý úshin respýblikalyq volonterlik front-keńse iske qosylyp otyr.
«Iaǵni, Qazaqstannyń barlyq azamaty kelip tirkelip, volonter bola alady. Buǵan qosa, biz azamattarymyzdyń barlyq qajettiligin osy jerge shoǵyrlandyramyz. Bul olarǵa kómektese alýymyz úshin jasalady. Sondai-aq 17 oblysta óńirlik keńse ashamyz jáne munyń barlyǵy biryńǵai júiemen jumys isteitin bolady. Call-ortalyq jumys isteidi», - dedi Dáýren Abaev.
.jpeg)