Jergilikti bilik organdarynyń sheshimimen búgin Jambyl oblysynyń, keshe Shymkent jáne Semei qalalarynyń HQO-lary jumysyn qaita bastady. Osylaisha, respýblikanyń barlyq aimaǵynda halyqqa qyzmet kórsetý ortalyqtary ashyldy, dep habarlaidy "Ult aqparat".
Koronavirýs pandemiiasy jaǵdaiynda «Azamattarǵa arnalǵan úkimet» memlekettik korporatsiiasy qyzmet alýshylardy jańa erejelerge sáikes qabyldai bastady.
Atap aitqanda, azamattardyń kóptep jinalýyn jáne virýsty juqtyrý qaýpin boldyrmaý úshin halyqqa qyzmet kórsetý ortalyǵyna barý úshin aldyn ala bron jasaý qajet. Muny egov.kz portaly, eGovKzBot2.0 (@Kenes1414Bot) telegram-boty nemese 1414 bailanys ortalyǵyna qońyraý shalý arqyly jasaýǵa bolady.
HQO ǵimarattaryna kirýshilerden qatań túrde betperde kiiý talap etiledi. Qashyqtyqty saqtaý úshin 1,5-2 metr aralyǵynda arnaiy belgiler jasalǵan. Ár halyqqa qyzmet kórsetý ortalyǵynda sanitaizerler bar.
Sonymen qatar, qazir HQO-dan onlain túrde qoljetimsiz, tek «qaǵaz» júzinde kórsetiletin qyzmetterdi alýǵa bolady (106 qyzmet).
Elektrondy qyzmetterdi qazaqstandyqtar ári qaraida onlain túrde úilerinen nemese elimizde arnaiy ashylǵan 600-den astam egov buryshtarynan alýyn jalǵastyrady, tiisti qyzmetti alýǵa olarǵa 1414 bailanys ortalyǵy men virtýaldy assistenttiń keńes berýshileri kómektese alady. Taiaý arada osyndai taǵy 400 egov buryshy iske qosylady. Olar oblystyq ákimdikterdiń ǵimarattarynda, saýda jáne oiyn-saýyq ortalyqtarynda, oqý oryndarynda jáne t.b. jerlerde ornalastyrylady.
Azamattardyń úsh sanaty elektrondyq qyzmetterdi burynǵydai halyqqa qyzmet kórsetý ortalyqtarynda ala alady, bul – zeinetkerler, kópbalaly otbasy músheleri jáne múgedekter. Ár front-ofiste olar úshin jeńildik terezesi jumys isteidi. Olar da halyqqa qyzmet kórsetý ortalyǵyna baratyn ýaqytyn aldyn ala brondaýy tiis.
Aita ketý kerek, qyzmet kórsetýdiń jańa erejeleri tek megapolisterdiń, oblys ortalyqtarynyń jáne Semei qalasynyń HQO-laryn qamtidy.
Aýdan ortalyqtarynda ornalasqan HQO-lar jáne aýdandyq mańyzy bar front-ofister burynǵydai jumys isteidi.
