«Ksell» kompaniiasy men «WikiBilim» qoǵamdyq qory «Qazaqstannyń ashyq ýniversiteti» bilim berý platformasyndaǵy alǵashqy tegin onlain-kýrstardyń bastalǵanyn jariialaidy. Joba QBTÝ, AlmaU, SDU, Q.Sátbaev atyndaǵy QazUTZÝ, Matematika jáne matematikalyq modeldeý institýty siiaqty elimizdiń jetekshi joǵary oqý oryndarynyń qoldaýymen iske asyrylyp otyr.
«WikiBilim» qoǵamdyq qorynyń prezidenti Nurbek Matjanidiń aitýynsha, OpenU bilim berý platformasynyń arqasynda qazaqstandyqtar jobaǵa seriktes ýniversitetterdiń úzdik professorlarynyń dáristerine erkin qol jetkizý múmkindigine ie boldy. Ashyq ýniversitettiń alǵashqy onlain-kýrsynyń avtory – belgili qazaqstandyq ǵalym, fizika-matematika ǵylymdarynyń doktory, professor, QR UǴA akademigi Asqar Jumadildaev.
«Joǵary jyldamdyqty Internetke qoljetimdiliktiń artýy kóptegen salalardy ózgertip, tiimdilikti arttyrýǵa jańa múmkindikter ashyp otyrǵany barshamyzǵa belgili. Mysaly, joǵary bilim berý salasynda buqaralyq ashyq onlain-kýrstarǵa (MOOC) negizdelgen onlain oqytý tehnologiialary damyp jatyr. Dúniejúzinde milliondaǵan tyńdarman osyndai kýrstarǵa qol jetkize otyryp, bilim alady, biliktiligin arttyrady nemese jańa mamandyqty meńgeredi. OpenU jobasynyń mindeti – niet bildirýshilerdiń barlyǵyna qazaqstandyq jetekshi professorlardyń eń úzdik dáristerine qol jetkizýdi qamtamasyz etý. Buǵan ásirese bizdiń óńirlik joǵary oqý oryndarynyń stýdentteri múddeli. «Qazaqstannyń ashyq ýniversiteti» diplom bermeidi, ol ýniversitetterge óz qyzmetteriniń sapasyn arttyrýǵa, al oqýshylarǵa sapaly bilim alýǵa kómektesedi», - dep atap ótti «WikiBilim» qorynyń negizin qalaýshy ári Qamqorshylyq keńesiniń tóraǵasy Raýan Kenjehanuly.
Kcell kompaniiasynyń qoldaýymen alǵashqy 10 onlain-kýrs ázirlendi. Olardyń qatarynda kelesidei kýrstar bar:
1) Matritsalar jáne anyqtaýyshtar;
2) Memlekettik-jekeshelik áriptestik;
3) Web-baǵdarlamalaý negizderi;
4) Fýre taldaýy;
5) Robototehnika;
6) Vvedenie v kompiýternye naýki na iazyke Java.
Bir kýrstyń ortasha uzaqtyǵy – 5 apta. Biregei bilim berý kontentiniń 80%-y qazaq tilinde. Buǵan qosa, portalda onlain-kýrs avtorlary usynatyn arnaiy ádebietter ornalastyrylady. Sonymen birge, platformada alǵan bilimdi tekserýge arnalǵan testtik tapsyrmalar da qarastyrylǵan.
OpenU.kz platformasy Garvard ýniversiteti men Massachýsets tehnologiia institýty mamandary jasaǵan Open edX negizinde qurylǵan. Saitta intýitivti interfeis, yńǵaily videopleer, kýrs tyńdaýshylarynyń jeke kabineti, test tapsyrmalary men konspektiler bar.
«Biz «Ashyq ýniversitet» jobasy tek kolledj jáne joǵary oqý oryndary talapkerleri men stýdentterine ǵana emes, sondai-aq jumys istep júrgen, sonyń ishinde, IT jáne telekommýnikatsiialar salasyndaǵy mamandarǵa da qyzyq bolady dep senemiz. Oǵan qosa, platforma múmkindigi shekteýli jandar men megapolisterden shalǵaida ornalasqan aýdan turǵyndaryn bilim berý kýrstaryna qol jetkizdi. Atalmysh joba elimiz úshin shynymen de biregei joba bolyp sanalady. Keleshekte bul jobany ekonomikanyń basqa da salalaryndaǵy biz siiaqty bilim berýdi damytý men óz salasy úshin joǵary bilikti kadrlardy daiyndaýǵa múddeli kompaniialardyń qoldaitynyna sengimiz keledi», - dedi «Ksell» AQ kommýnikatsiialar bóliminiń jetekshisi Natalia Eskova.
"Ult aqparat"
