Qazaqstannyń altyn-valiýta rezervi ótken jyly 6,7 mlrd dollarǵa ulǵaidy. Bul týraly Úkimet otyrysynda QR Ulttyq banki tóraǵasy Erbolat Dosaev aitty, dep habarlaidy "Ult aqparat".
«Altyn baǵasynyń ósýi nátijesinde altyn portfeliniń bir jylda 4,7 mlrd AQSh dollaryna 23,6 mlrd AQSh dollaryna deiin ósýi esebinen altyn-valiýta rezervteri 2020 jylǵy 31 jeltoqsanda aldyn ala derekter boiynsha 6,7 mlrd AQSh dollaryna ulǵaiyp, 35,7 mlrd AQSh dollary boldy. Altyn-valiýta rezervteri quramyndaǵy erkin konvertatsiialanatyn valiýtadaǵy aktivter Qarashyǵanaq Konsortsiýmynan ótemaqy aiasynda qarajat ákelinýi, Aziia Damý bankiniń qaryzy, sondai-aq ekinshi deńgeidegi bankter qarajatynyń Ulttyq banktegi valiýtalyq shottarǵa ákelinýi esebinen 2 mlrd AQSh dollaryna ósti», - dedi Erbolat Dosaev.
Onyń aitýynsha, Ulttyq qordyń aktivteri daǵdarysqa qarsy sharalardy iske asyrý aiasynda shyǵystardyń túsimderden asyp ketýine jáne munai baǵasynyń quldyraýyna bailanysty bir jyl ishinde 3,1 mlrd AQSh dollaryna tómendep, 58,7 mlrd AQSh dollaryn qurady.
«Naryqtyń qubylmalylyǵyna qaramastan, Ulttyq qordyń investitsiialyq kirisi 2020 jyldyń qorytyndysy boiynsha oń bolyp qaldy jáne 4,1 mlrd AQSh dollaryn nemese 7,5paiyzdyi qurady», - dedi ol.
