QR Ulttyq banki tóraǵasynyń orynbasary Áliia Moldabekova syrtqy naryqtaǵy jaǵdaidyń altyn valiýta aktivine qalai áser etkenin aitty, dep habarlaidy "Ult aqparat".
Onyń aitýynsha, aldyn ala baǵalaýǵa sáikes, qarashada altyn valiýta aktivteri $33,6 mlrd dollardan $32,5 mlrd dollarǵa deiin $1,1 mlrd dollarǵa tómendedi.
«Rezervter qysqarýynyń negizgi sebebi sońǵy 4 jylda altyn baǵasynyń bir ýntsiia úshin $1876 dollardan $1772 dollarǵa deiin nemese 5,5%-ǵa rekordtyq quldyraýy boldy. Vaktsinalardy ázirleýdegi jetistikter, sondai-aq búkil álemdegi iskerlik belsendiliktiń qalpyna kelýi qorǵanysh aktiv retinde altynǵa suranystyń quldyraýyna ákeldi. AVR quramyndaǵy altyn portfeli qarashada $1,2 mlrd dollarǵa tómendedi»,– deidi ol.
Degenmen, jeltoqsanda altynnyń baǵasy qalpyna kele bastap, búgingi kúni bir ýntsiia úshin $1870 dollar deńgeiine jetti.
Ósý sebepteriniń biri - AQSh-taǵy fiskaldyq yntalandyrýdyń jańa toptamasynyń qarsańynda dollar baǵamynyń álsireýi boldy.
Rezervtiń valiýtalyq bóligi ekinshi deńgeili bankterdiń korrespondenttik shottarynyń ósýi esebinen $100 mln dollarǵa kóbeidi.
