Aýa raiynyń buzylýyna bailanysty uzyndyǵy 4186 shaqyrym bolatyn 32 jol ýchaskesinde kólik qozǵalysyna shekteý qoiyldy, - dep habarlaidy «QazAvtoJol» UK» AQ baspasóz qyzmeti.
Aita keteiik, bul - elimizdegi respýblikalyq mańyzy bar joldardyń 16,8 paiyzy.
«Jalpy, alty oblysta avtojoldar jabylǵan. Onyń ishinde eń kóbi Aqmola jáne Qaraǵandy oblystaryna tiesili. Kólik qozǵalysyna shekteý qoiylǵan eń uzyn jol - «Ekaterinbýrg - Almaty» tasjoly» delingen habarlamada.
Elimizdegi avtojoldarda 727 arnaiy tehnika jumys istep júr.
Barlyq suraqtar boiynsha 1403 nómirindegi bailanys ortalyǵyna habarlasýǵa bolady.
«QazAvtoJol» UK» AQ júrgizýshilerge jol erejesin saqtaý, ruqsat etilgen jyldamdyqty asyrmaý, qaýipsiz qashyqtyqty saqtaý qajettigineskertedi. Sonymen qatar, saparǵa tek qysqy dóńgelektermen shyǵýǵa keńes beredi.
