Sońǵy aptada Qazaqstannyń 9 óńirinde kezekshi synypta oqityn oqýshylar arasynda koronavirýs juqtyrýdyń 62 jaǵdaiy tirkeldi.
Bul týraly QR DSM Taýarlar men kórsetiletin qyzmetterdiń sapasyn jáne qaýipsizdigin baqylaý komitetiniń resmi ókili Erjan Baitanaev aitty, dep habarlaidy QazAqparat.
«Biz oqýshylar arasyndaǵy syrqattaný máselesin kún saiyn baqylaýda ustap kelemiz. Oqý jyly bastalǵaly beri oqýshylar arasynda koronavirýs infektsiiasynyń 825 jaǵdaiy tirkeldi. Onyń ishinde kezekshi synyptarda oqityn balalar sany - 261. Bul oflain rejimde bilim alýshylardyń jalpy sanynyń 0,03 paiyzyn quraidy. Al onlain formatta bilim alatyn balalardyń KVI indetine shaldyǵýy 564 oqýshy boldy. Bul 0,02 paiyzǵa teń», - dedi ol Ortalyq kommýnikatsiialar qyzmetindegi baspasóz máslihatynda.
Resmi ókildiń dereginshe, sońǵy aptada 9 óńirde kezekshi synypta oqityn oqýshylar arasynda 62 jaǵdai tirkeldi.
«Balalar arasynda aýrýǵa shaldyqqandar kóp óńirlerdiń qatarynda Shyǵys Qazaqstan 32, Pavlodar 12, Batys Qazaqstan 5 bar. Al qalǵan 4 óńirde aýrýdyń birli-jarym jaǵdaiy tirkeldi. Atap aitqanda, Qaraǵandy, Aqmola oblystary men Nur-Sultan qalasynda - 3 jaǵdai, Soltústik Qazaqstan men Atyraý oblystarynda - 1 jaǵdai», - dedi Erjan Baitanaev.
