سوڭعى اپتادا قازاقستاننىڭ 9 ٶڭٸرٸندە كەزەكشٸ سىنىپتا وقيتىن وقۋشىلار اراسىندا كوروناۆيرۋس جۇقتىرۋدىڭ 62 جاعدايى تٸركەلدٸ.
بۇل تۋرالى قر دسم تاۋارلار مەن كٶرسەتٸلەتٸن قىزمەتتەردٸڭ ساپاسىن جەنە قاۋٸپسٸزدٸگٸن باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ ايتتى, دەپ حابارلايدى قازاقپارات.
«بٸز وقۋشىلار اراسىنداعى سىرقاتتانۋ مەسەلەسٸن كٷن سايىن باقىلاۋدا ۇستاپ كەلەمٸز. وقۋ جىلى باستالعالى بەرٸ وقۋشىلار اراسىندا كوروناۆيرۋس ينفەكتسيياسىنىڭ 825 جاعدايى تٸركەلدٸ. ونىڭ ٸشٸندە كەزەكشٸ سىنىپتاردا وقيتىن بالالار سانى - 261. بۇل وفلاين رەجيمدە بٸلٸم الۋشىلاردىڭ جالپى سانىنىڭ 0,03 پايىزىن قۇرايدى. ال ونلاين فورماتتا بٸلٸم الاتىن بالالاردىڭ كۆي ٸندەتٸنە شالدىعۋى 564 وقۋشى بولدى. بۇل 0,02 پايىزعا تەڭ», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
رەسمي ٶكٸلدٸڭ دەرەگٸنشە, سوڭعى اپتادا 9 ٶڭٸردە كەزەكشٸ سىنىپتا وقيتىن وقۋشىلار اراسىندا 62 جاعداي تٸركەلدٸ.
«بالالار اراسىندا اۋرۋعا شالدىققاندار كٶپ ٶڭٸرلەردٸڭ قاتارىندا شىعىس قازاقستان 32, پاۆلودار 12, باتىس قازاقستان 5 بار. ال قالعان 4 ٶڭٸردە اۋرۋدىڭ بٸرلٸ-جارىم جاعدايى تٸركەلدٸ. اتاپ ايتقاندا, قاراعاندى, اقمولا وبلىستارى مەن نۇر-سۇلتان قالاسىندا - 3 جاعداي, سولتٷستٸك قازاقستان مەن اتىراۋ وبلىستارىندا - 1 جاعداي», - دەدٸ ەرجان بايتاناەۆ.
