Qazaqstannyń 9 óńirinde aýa raiyna bailanysty eskertý jariialandy, dep habarlaidy "Ult aqparat".
«Qazgidromet» RMK-nyń boljamyna qaraǵanda, 30 mamyr kúni Aqmola oblysynda kún 35 gradýsqa deiin ysidy, kei jerlerinde naizaǵai oinaidy. Ońtústik-shyǵystan soǵatyn jel ońtústik-batysqa aýysady, kúshi kei jerlerde 15-20 m/s-qa jetedi.
Qaraǵandy oblysynyń kei jerlerinde 38 gradýs ystyq bolady. Jel shyǵystan ońtústik-batysqa aýysady, kei jerlerde kúshi 15-20 m/s bolady. Kúndiz 30 mamyrda kei jerlerde naizaǵai oinaidy.
Atyraý oblysynyń kei jerlerinde naizaǵai oinaidy. Kúndiz 37 gradýsqa deiin qatty ystyq bolyp, órt qaýpi saqtalady.
Batys qazaqstan oblysynda, Oral qalasynda naizaǵai oinaidy.
Aqtóbe oblysynyń kei jerlerinde naizaǵai oinap, jeldiń baǵyty ońtústik-shyǵystan batysqa aýysady, kúndiz kei jerlerinde 15-20 m/s bolady. Oblystyń ońtústiginde kún 37 gradýsqa ysidy.
Mańǵystaý oblysynyń kei jerlerinde naizaǵai oinap, tuman túsedi. Kúndiz kei jerlerde 38-40 gradýs aptap ystyq bolady.
Qostanai oblysynyń kei jerlerinde naizaǵai oinap, kún 35 gradýsqa deiin ysidy. Ońtústik-shyǵystan soǵatyn jel ońtústik-batysqa aýysady, kúshi kúndiz kei jerlerde 15-20 m/s jetedi.
Soltústik Qazaqstan oblysynyń kei jerlerinde kúndiz naizaǵai oinaidy. Túnde jáne tańerteń tuman túsedi. Ońtústik-shyǵystan jel soǵady, kúndiz kei jerlerde kúshi 15-20 m/s bolady.
Petropavlda kúndiz ońtústik- shyǵystan jel soǵady, ekpini 15-20 m/s bolady.
Jambyl oblysynda kei jerlerinde naizaǵai oinap, burshaq jaýady. 29-31 mamyrda soltústik-shyǵystan jel soǵady, kei jerlerde ekpini 15-20 m/s bolady. Kún kúndiz 38 gradýsqa deiin ysidy.
Tarazda naizaǵai oinap, burshaq jaýady. Soltústik-shyǵystan jel soǵyp, naizaǵai kezinde jeldiń jyldamdyǵy sekýndyna 15-20 metrge jetedi.
