قازاقستاننىڭ 9 ٶڭٸرٸندە اۋا رايىنا بايلانىستى ەسكەرتۋ جارييالاندى, دەپ حابارلايدى "ۇلت اقپارات".
«قازگيدرومەت» رمك-نىڭ بولجامىنا قاراعاندا, 30 مامىر كٷنٸ اقمولا وبلىسىندا كٷن 35 گرادۋسقا دەيٸن ىسيدى, كەي جەرلەرٸندە نايزاعاي وينايدى. وڭتٷستٸك-شىعىستان سوعاتىن جەل وڭتٷستٸك-باتىسقا اۋىسادى, كٷشٸ كەي جەرلەردە 15-20 م/س-قا جەتەدٸ.
قاراعاندى وبلىسىنىڭ كەي جەرلەرٸندە 38 گرادۋس ىستىق بولادى. جەل شىعىستان وڭتٷستٸك-باتىسقا اۋىسادى, كەي جەرلەردە كٷشٸ 15-20 م/س بولادى. كٷندٸز 30 مامىردا كەي جەرلەردە نايزاعاي وينايدى.
اتىراۋ وبلىسىنىڭ كەي جەرلەرٸندە نايزاعاي وينايدى. كٷندٸز 37 گرادۋسقا دەيٸن قاتتى ىستىق بولىپ, ٶرت قاۋپٸ ساقتالادى.
باتىس قازاقستان وبلىسىندا, ورال قالاسىندا نايزاعاي وينايدى.
اقتٶبە وبلىسىنىڭ كەي جەرلەرٸندە نايزاعاي ويناپ, جەلدٸڭ باعىتى وڭتٷستٸك-شىعىستان باتىسقا اۋىسادى, كٷندٸز كەي جەرلەرٸندە 15-20 م/س بولادى. وبلىستىڭ وڭتٷستٸگٸندە كٷن 37 گرادۋسقا ىسيدى.
ماڭعىستاۋ وبلىسىنىڭ كەي جەرلەرٸندە نايزاعاي ويناپ, تۇمان تٷسەدٸ. كٷندٸز كەي جەرلەردە 38-40 گرادۋس اپتاپ ىستىق بولادى.
قوستاناي وبلىسىنىڭ كەي جەرلەرٸندە نايزاعاي ويناپ, كٷن 35 گرادۋسقا دەيٸن ىسيدى. وڭتٷستٸك-شىعىستان سوعاتىن جەل وڭتٷستٸك-باتىسقا اۋىسادى, كٷشٸ كٷندٸز كەي جەرلەردە 15-20 م/س جەتەدٸ.
سولتٷستٸك قازاقستان وبلىسىنىڭ كەي جەرلەرٸندە كٷندٸز نايزاعاي وينايدى. تٷندە جەنە تاڭەرتەڭ تۇمان تٷسەدٸ. وڭتٷستٸك-شىعىستان جەل سوعادى, كٷندٸز كەي جەرلەردە كٷشٸ 15-20 م/س بولادى.
پەتروپاۆلدا كٷندٸز وڭتٷستٸك- شىعىستان جەل سوعادى, ەكپٸنٸ 15-20 م/س بولادى.
جامبىل وبلىسىندا كەي جەرلەرٸندە نايزاعاي ويناپ, بۇرشاق جاۋادى. 29-31 مامىردا سولتٷستٸك-شىعىستان جەل سوعادى, كەي جەرلەردە ەكپٸنٸ 15-20 م/س بولادى. كٷن كٷندٸز 38 گرادۋسقا دەيٸن ىسيدى.
تارازدا نايزاعاي ويناپ, بۇرشاق جاۋادى. سولتٷستٸك-شىعىستان جەل سوعىپ, نايزاعاي كەزٸندە جەلدٸڭ جىلدامدىعى سەكۋندىنا 15-20 مەترگە جەتەدٸ.
