Qazaqstannyń 8 oblysynda múgedektigi bar tulǵalarǵa arnalǵan ońaltý ortalyqtaryn (ári qarai - ortalyq) salý josparlanýda.
Bul týraly QR Eńbek jáne halyqty áleýmettik qorǵaý vitse-ministri Erlan Áýkenov tóraǵalyq etken jergilikti atqarýshy organdarmen keńes barysynda belgili boldy, dep habarlaidy QazAqparat.
5 oblysta mundai ortalyqtar joq, al 3 oblysta tósek-oryndar jetispeitindikten, tiisti mekemelerge qosymsha qajettilik bar.
Ortalyqtardyń qurylysy úshin qazirdiń ózinde aýmaǵy 5 gektarǵa jýyq jer telimderi bólingen. Ákimdikter QR Indýstriia jáne infraqurylymdyq damý ministrliginiń Qurylys jáne turǵyn úi-kommýnaldyq sharýashylyq isteri komiteti ázirlegen úlgilik jobalyq-smetalyq qujattamanyń bekitilýin kútip otyr.
Qurylys kezeńinde múgedektigi bar tulǵalardy ońaltý qyzmetterimen qamtýdy qamtamasyz etý úshin, QR Eńbek jáne halyqty áleýmettik qorǵaý ministrligi, ákimdikterge memlekettik áleýmettik tapsyrys nemese memlekettik-jekemenshik seriktestik sheńberinde ortalyqtardy ashýǵa jergilikti biýdjetterden qarajat qarastyrý týraly usynyspen hat joldaidy.
Búgingi tańda respýblikada 40 ońaltý ortalyǵy bar, onyń 12-si biyl iske qosyldy. Bul qamtý aýqymyn 42%-dan 50%-ǵa deiin ulǵaitty, 1,5 myń qosymsha tósek-oryn paida boldy.
«Jańa ortalyqtardyń qurylysy statsionar jaǵdaiynda ońaltý qyzmetine muqtaj barlyq múgedektigi bar tulǵalardyń qajetin óteidi. Qazirgi ýaqytta ońaltý ortalyqtary joq aimaqtarda kúndizgi emdeý bóliminde jáne úide qyzmet kórsetiledi»,-delingen habarlamada.
