Qazaqstannyń 6 oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-na silteme jasap.
Kásiporynnyń boljamyna qaraǵanda, 12 qańtar kúni Soltústik Qazaqstan oblysynda qar jaýady. Kei jerlerde burqasyndatyp, shyǵystan, soltústik-shyǵystan jyldamdyǵy sekýndyna 15-20 metrge jetetin jel soǵady, kúndiz ekpini 23-28 m/s bolady.
Petropavlda 12 qańtarda burqasyn bolady. Shyǵystan, soltústik-shyǵystan jel soǵyp, kúshi sekýndyna 15-20 metrge, kúndiz ekpini 23-28 m/s-qa jetedi. Aýa raiy boljamynyń dáldigi 90-95%.
Qostanai oblysynyń kei jerlerinde tuman túsip, jaiaý burqasyn soǵady. Soltústikten jel soǵyp, kei jerlerde jyldamdyǵy sekýndyna 15-20 metrge jetedi. Aýa raiy boljamynyń dáldigi 90-95%.
Batys Qazaqstan oblysynyń kei jerlerinde jáne Oral qalasynda tuman túsedi. Aýa raiy boljamynyń dáldigi 85-90%.
Aqmola oblysynyń basym bóliginde qar jaýady. Kei jerlerinde burqasyn, tuman bolady. Ońtústik-batystan soǵatyn jel soltústik-batysqa aýysady, kúshi kei jerlerde sekýndyna 15-20 metrge jetedi, ekpini 25 m/s bolady.
Kókshetaýda jaiaý burqasyn soǵyp, tuman túsedi. Ońtústik-batystan soǵatyn jel soltústik-batysqa aýysady, túnde jáne tańerteń ekpini 15 m/s bolady.
Shyǵys Qazaqstan oblysynyń kei jerlerinde jaiaý burqasyn bolady. Ońtústik-shyǵystan soǵatyn jel ońtústik-batysqa qarai oiysady, kei jerlerde jyldamdyǵy sekýndyna 15-20 metrge jetedi, túnde ekpini 25 m/s bolady.
Qaraǵandy oblysynyń kei jerlerinde tuman túsip, burqasyn bolady. Jel ońtústik-batystan, batystan soǵady, kei jerlerinde jeldiń jyldamdyǵy sekýndyna 15-20 metr, ekpini 23-28 m/s bolady.
Qaraǵandada burqasyn bolady, jel ońtústik-batystan, batystan soǵyp, kúndiz ekpini 15-20 m/s-qa jetedi. Aýa raiy boljamynyń dáldigi 70-75%.
