Elimizdiń úsh qalasyndaǵy kásipkerlik obektilerde «Ashyq» mobildi qosymshasyn engizý boiynsha ilki joba joba júzege asyryla bastaidy. Mundai qujatqa QR Densaýlyq saqtaý vitse-ministri – Bas memlekettik sanitar dáriger Erlan Qiiasov qol qoidy, dep habarlaidy "Ult aqparat".
Elimizdiń bas sanitar dárigeri qol qoiǵan qaýlyǵa sáikes, Qazaqstan Respýblikasynyń halqy arasynda COVID-19 infektsiiasynyń taralýynyń aldyn alý maqsatynda Nur-Sultan, Almaty, Qaraǵandy qalalarynyń myna kásipkerlik sýbektilerinde «Ashyq» pilottyq jobasyn iske asyrý bastalady:
1) fitnes-klýbtar;
2) spa-ortalyqtar;
3) saýnalar,baisseinder;
4) kompiýterlik klýbtar (18 jasqa deiingi adamdardy qospaǵanda);
5) boýling klýbtar.
Bul rette Nur-Sultan, Almaty, Qaraǵandy qalalarynyń ákimderi, «Atameken» UKP (kelisý boiynsha), Sanitariialyq-epidemiologiialyq baqylaý komitetiniń Nur-Sultan, Almaty jáne Qaraǵandy qalalarynyń aýmaqtyq departamentteriniń basshylary atalǵan qalalarda tirkeý orny bar pilotqa qatysatyn kásipkerlik obektilerge kirý úshin App Store jáne Play Market arqyly júkteý úshin qoljetimdi «Ashyq» mobildi qosymshasyn paidalaný qajettiligi týraly halyqty, jeke jáne zańdy tulǵalardy aqparattandyrýdy qamtamasyz etýi tiis.
Nur-Sultan, Almaty jáne Qaraǵandy qalalarynda ilki jobaǵa qatysatyn kásipkerlik sýbektileri:
1) jobaǵa qatysatyn kásipkerlik obektilerge kelýshilerdi kirgizý olar úi-jaiǵa kireberiste nemese shyǵaberiste kórsetýi úshin kelýshiniń mártebesin aiqyndaýǵa arnalǵan arnaiy QR-kodty skanerlegen jaǵdaida júzege asyrylady:
- «jasyl» mártebe – kelýshi derekter bazasynda COVID-19-ǵa teris nátijemen PTR-testileýden ótken retinde kórsetilgen;
- «kók» mártebesi – PTR testileý nátijeleri joq, COVID-19 naýqaspen bailanysta bolǵan retinde eseptelmeidi;
– «sary» mártebe – derekter bazasynda COVID-19 naýqaspen bailanysta bolǵan retinde kórsetilgen;
– «qyzyl» mártebe – bazada COVID-19-qa oń nátijemen tirkelgen.
Kelýshide smartfon bolmaǵan jaǵdaida kásipkerlik obektisiniń qyzmetkeri kelýshiniń kelisimimen aqparattyq júiede onyń mártebesin tekseredi;
2) «Qazaqstan Respýblikasynyń halqy arasynda koronavirýstyq infektsiia aýrýynyń aldyn alý jónindegi sharalardy odan ári kúsheitý týraly» Qazaqstan Respýblikasynyń Bas memlekettik sanitariialyq dárigeriniń 2020 jylǵy 25 jeltoqsandaǵy № 67 qaýlysyna 36-qosymshaǵa sáikes mynadai: «sary» (COVID-19-ben bailanysta bolǵan), «qyzyl» (COVID-19-ǵa oń nátijesi bar) mártebesine sáikes oqshaýlaýǵa jatatyn kelýshilerdiń pilotqa qatysatyn kásipkerlik obektilerge kirýine jol berilmeidi;
3) mynadai: «sary» (COVID-19-ben bailanysta bolǵan), «qyzyl» (COVID-19 -ǵa oń nátijesi bar) mártebesine sáikes oqshaýlaýǵa jatatyn kelýshiler anyqtalǵan kezde Sanitariialyq-epidemiologiialyq baqylaý komitetiniń aýmaqtyq departamentterin habardar etýdi;
4) «Qazaqstan Respýblikasynyń halqy arasynda koronavirýstyq infektsiia aýrýynyń aldyn alý jónindegi sharalardy odan ári kúsheitý týraly» Qazaqstan Respýblikasynyń Bas memlekettik sanitariialyq dárigeriniń 2020 jylǵy 25 jeltoqsandaǵy № 67 qaýlysymen bekitilgen algoritmderdiń talaptaryn saqtaýdy qamtamasyz etedi.
