«Halyq zańgeri» – álemde teńdesi joq qazaqstandyq biregei joba. Aktsiia respýblikanyń barlyq aimaqtarynda bir ýaqytta bastalyp, halyqqa tegin zań kómegin kórsetýge baǵyttalǵan, dep habarlaidy "Ult aqparat".
Is-shara memlekettik organdarmen, zańger ǵalymdarmen, tájiribeli advokattarmen, notariýstarmen jáne sot oryndaýshylarymen birlesip ótkizilýde.
Biylǵy jyly respýblikalyq aktsiia Qazaqstan Respýblikasy úkimetiniń qoldaýymen ótti.
Uiymdastyrýshylar Qazaqstan Respýblikasynyń Sybailas jemqorlyqqa qarsy is-qimyl agenttigi, Qazaqstan Respýblikasynyń Ádilet ministrligi, Zakon.kz jelilik-basylymy, «Paragraf» aqparattyq júiesi, Respýblikalyq advokattar alqasy, memlekettik organdar, úzdik advokattar men zańgerler boldy.
Aýqymdy aktsiia aiasynda 150 myńnan astam azamat tegin zańgerlik kómek aldy.
1000-nan astam sarapshy, onyń ishinde memlekettik qyzmetkerler, zańgerler men tájiribeli advokattar, notariýstar men sot oryndaýshylary bar.
Keńes alýǵa jeke kelýge múmkindigi bolmaǵan azamattarǵa Zakon.kz portaly arnaiy chat-botyn ashty.
Mamandar Instagram jelisinde tikelei bailanysqa shyǵyp, qazaqstandyqtardyń eń kóp qoiylǵan suraqtaryna jaýap berdi.
Aktsiia barysynda azamattar kóbinese turmystyq qatynastar, muragerlikti zańnamalyq retteý, alaiaqtyq, sondai-aq neke-otbasy qatynastaryn retteý, eńbek qatynastary jáne jeke tulǵalardyń bankrottyq rásimderi syndy máseleleri boiynsha mamandarǵa júgindi.
Sondai-aq, azamattardy qabyldaý barysynda memlekettik organdardyń ókilderi sý tasqynynan keltirilgen zalaldy óteý tetikteri men zardap shekkenderge memleket tarapynan kórsetiletin kómek týraly túsindirme berdi.
«Halyq zańgeri» 2016 jyldan beri ótkizilip keledi. Aktsiianyń maqsaty – azamattardyń túitkildi máselelerin tez ári durys sheshý, sonymen qatar qazaqstandyqtardyń quqyqtyq mádenieti men saýattylyǵyn arttyrý!
