Qazaqstandyqtardyń kóptegen ótinishi boiynsha «Qazaqstannyń 100 jańa esimi» jobasynyń IV maýsymyndaǵy halyqtyq daýys berý 2021 jyldyń 12 sáýirine deiin uzartyldy, dep habarlaidy "Ult aqparat" Aqparat jáne qoǵamdyq damý ministrligine silteme jasap.
«Jobanyń 2 790 qatysýshysy arasynan unaǵan úmitkerlerdi tańdaý úshin 100janaesim.ruh.kz saitynda daýys berý protsedýrasynan ótýińiz kerek. Qazirgi ýaqytta Qazaqstannyń ǵana emes, sonymen qatar shet elderdiń turǵyndary da óz kandidattaryn belsendi qoldap keledi.
Uiymdastyrýshylar erejelerdi buzýshylyqtardy nemese basqa da falsifikatsiiany, onyń ishinde onlain daýys berý kezinde daýystardy aldap jinaýdy anyqtaǵan jaǵdaida qatysýshyny jobadan shyǵarýǵa quqyly», delingen habarlamada.
Árbir sanatta bir IP-adresten bir adamǵa ǵana daýys berýge bolady. Qatysýshylardyń daýystary saýalnamanyń joǵarǵy oń jaǵynda kórsetilgen.
«IV maýsymnyń jeńimpazdary daýys berý nátijeleri boiynsha jáne bedeldi qazylar alqasy jumysynyń nátijeleri boiynsha anyqtalady.
Esterińizge sala keteiik, «Qazaqstannyń 100 jańa esimi» jobasy iske qosylǵan kezden bastap, iaǵni 4 jyldyń ishinde, 163 finalist anyqtaldy. Biyl joba Táýelsizdiktiń 30 jyldyǵy aiasynda ótip jatyr», delingen habarlamada.
