«100 jańa esim» jobasynyń IV maýsymy qatysýshylaryna jalpyhalyqtyq daýys berý 25 naýryzda bastaldy, dep habarlaidy "Ult aqparat".
Eske sala ketsek, qatysýshylardyń ótinimderin qabyldaý 22 aqpan men 22 naýryz aralyǵynda júzege asyryldy. Osy ýaqyt aralyǵynda Qazaqstannyń barlyq óńirlerinen 7 nominatsiia boiynsha 2 790 ótinim kelip tústi. Saýalnamalar mádeniet jáne sport, bilim jáne qoǵam nominatsiialary boiynsha kóptep keldi. Sondai – aq, biyl jańa «Ekologiia» nominatsiiasy qatarǵa qosyldy.
Qazaqstandyqtar 2021 jylǵy 25 men 31 naýryz aralyǵynda óz kandidattaryna daýys bere alady.
Daýys berýshi 100janaesim.ruh.kz saityndaǵy qatysýshynyń paraqshasyna ótip, fotosýrettiń astyndaǵy «daýys berý» túimesin basý qajet. Daýys berýdi tańdaýmen tereze ashylady, muny eki jolmen jasaýǵa bolady: áleýmettik jeliler nemese elektrondyq poshta arqyly.
Elektrondyq poshtany tańdaǵanda, poshtaǵa daýys berý paraǵyna engizý kerek kod keledi. Áleýmettik jeliler arqyly daýys berýdi tańdaǵan kezde avtorizatsiiadan ótip, sodan keiin daýys berý kerek.
Bir IP-mekenjaidan ár nominatsiiadaǵy bir adamǵa ǵana daýys berýge bolady. Qatysýshynyń daýystary joǵarǵy oń jaqtaǵy saýalnamada kórsetiledi. Quqyq buzýshylyqtar ne ózge de burmalaýshylyqtar, onyń ishinde onlain-daýys berý kezinde daýystardy burmalaý anyqtalǵan jaǵdaida, uiymdastyrýshylar qatysýshyny jobadan shyǵarý quqyǵyn ózine qaldyrady.
Daýys berý kezinde eń kóp ball jinaǵan jáne bedeldi qazylar alqasy iriktegen qatysýshylar jobanyń jeńimpazdary bolyp atanady. Biylǵy jyly qazylar alqasynyń músheleri arasynda ótken jyldardaǵy jobanyń jeńimpazdary da bar.
«Qazaqstannyń 100 jańa esimi» jobasy – Táýelsizdik jyldarynda tabysqa qol jetkizgen ár túrli óńirlerden, ár túrli jastaǵy jáne ár etnos ókilderinen shyqqan naqty adamdardyń tarihy. 2017 jyly bul jobanyń bastamashysy Elbasy N.Nazarbaev boldy.
