Foto: UQK Shekara qyzmeti
Ulttyq qaýipsizdik komitetiniń Shekara qyzmeti qysqa habarlama taratýǵa arnalǵan qurylǵy men 600-den asa sim-kartany zańsyz jolmen alyp ótpek bolǵan resei azamatyn ustady, - dep habarlaidy "Ult aqparat" UQK Shekara qyzmetine silteme jasap.
Vedomstvo málimetinshe, kúdikti 17 naýryzda Aqtóbe oblysynyń "Álimbet" avtokólik ótkizý pýnktinde ustalǵan.
"Resei azamaty tizgindegen «Aýdi» avtokóligin tekserý kezinde qysqa habarlamalardy jalpylap taratýǵa, qabyldaýǵa jáne belsendirýge arnalǵan baǵdarlamalyq-aqparattyq «Sim-box» kesheni jáne 600-den asa túrli qazaqstandyq mobildi bailanys operatorlarynyń sim-kartalary tabyldy" - delingen habarlamada.
