Qazaqstan Qorǵanys ministrligi Ýkraina qarýly kúshteriniń ushqyshsyz ushatyn apparaty el aýmaǵynan ushyrylǵany týraly aqparatty joqqa shyǵardy, - dep habarlaidy "Ult aqparat" Stopfake.kz-ke silteme jasap.
Portal málimetinshe, reseilik BAQ-ta Ýkraina qarýly kúshterine tiesili ushqyshsyz ushatyn apparattyń (UUA) Qazaqstan aýmaǵynan jiberilgeni týraly aqparat jariialanǵan. Onyń maqsaty reseilik aerodromdar bolǵan eken.
Qorǵanys ministrligi bul aqparatqa qatysty pikir bildirdi.
Vedomstvo málimetinshe, taralǵan aqparat - jalǵan.
"Moskovskii Komsomolets» portalynda jariialanǵan Qazaqstannan reseilik áýeailaqtarǵa UUA ushyrylǵany týraly málimdemeler shyndyqqa janaspaidy. Sonymen qatar, bul UUA-lar QR Qarýly Kúshterinde múldem bolmaǵan", - dedi ministrlik ókilderi.
