Qazaqstannan taǵy eki tennisshi Andrei Golýbev pen Mihail Kýkýshkin Tokio Olimpiadasyna joldama aldy. Bul týraly Qazaqstan tennis federatsiiasy málim etti, dep habarlaidy "Ult aqparat".
Halyqaralyq tennis federatsiiasy osy qos tennisshiniń Olimpiadaǵa qatysatynyn resmi túrde málimdedi.
Eske sala keteiik, budan buryn Qazaqstannan Olimpiadaǵa qatysatyn tennisshiler anyqtalǵanyn jazǵan bolatynbyz.
Bul Aleksandr Býblik, Elena Rybakina, Iýliia Pýtintseva úshin alǵashqy Olimpiada bolsa, Iaroslava Shvedova úshinshi ret barmaqshy.
Osylaisha Tokioǵa alty birdei tennisshimiz attanǵaly otyr. Budan burynǵy Olimpiadalarda qazaqstandyq tennisshiler tórt joldamadan artyq ielenip kórgen joq edi.
Tennisshilerdiń jekelei ne juptyq synda óner kórsetetini dúbirli doda jaqyndaǵanda sheshiledi.
