Foto: Memlekettik kirister departamenti
"Qairaq" avtomobil ótkizý beketinde áskeri bas kiimder men taktikalyq riýkzaktardy zańsyz alyp ótpek bolǵandardyń joly kesildi, - dep habarlaidy "Ult aqparat".
Qostanai oblysy boiynsha Memlekettik kirister departamenti men QR UQK Shekara qyzmetiniń qyzmetkerleri júk bóliginde áskeri kiimder bolǵan "Gazel" kóligin ustaǵan.
"Qazir júk tielgen kólik baqylaý-ótkizý pýnkti ornalasqan jerde tur. Taýardyń shyqqan jeri men eksportqa qatysy bar tulǵalardy anyqtaý sharalary júrgizilip jatyr", - dep málimdedi memlekettik kirister departamentiniń baspasóz qyzmeti.
Jedel sharalardyń nátijesinde kináliler jaýapqa tartylyp, tárkilengen júk memleket menshigine ótedi.
